बॉलिवूड अभिनेत्री सुश्मिता सेनला गेल्याच महिन्यात हृदयविकाराचा झटका आला होता. अभिनेत्रीने सोशल मीडियावर पोस्ट शेअर करत ही माहिती चाहत्यांना दिली होती. हृदयविकाराचा झटका आल्यानंतर अँजिओप्लास्टीही करण्यात आल्याचं सुश्मिताने सांगितलं होतं. यातून आता पूर्णपणे बरी होत सुश्मिताने तिच्या कमाला सुरुवात केली आहे.
नुकतंच आगामी वेबसीरिज ‘आर्या’च्या सीझन ३ च्या सेटवर अतिशय फिट लूकमध्ये सुश्मिताला पाहायला मिळालं. सुष्मिताने तिच्या या मोस्ट बहुचर्चित वेबसीरिजचे शूटिंग पुन्हा सुरू केले आहे. सुष्मिताने तिच्या सोशल मीडिया हँडलवर एक व्हिडिओ शेअर करत ही बातमी शेअर केली आहे. एक जबरदस्त पोस्टर टाकत, सुश्मिताने तिच्या ट्विटर हँडलवर एक टीझर देखील पोस्ट केला आहे.
आणखी वाचा : मौनी रॉयच्या बिकिनीमधील हॉट फोटोमुळे अशनीर ग्रोव्हर सापडलेला अडचणीत; मुलाखतीदरम्यान केला खुलासा
व्हिडिओ शेअर करत तिने कॅप्शनमध्ये लिहिले की, “ती स्वार्थी आहे. ती निडर आहे. ती परत आली आहे. आर्या सीझन ३ चे शूटिंग पुन्हा सुरू झाले आहे…” या व्हिडिओ क्लिपमध्ये सुश्मिता खूपच फिट दिसत आहे. हातात तलवार घेऊन ती यामध्ये तलवारबाजी करताना दिसत आहे.
सुश्मिताच्या या वेबसीरिजची तिचे चाहते आतुरतेने वाट बघत आहेत, यातला सुश्मिताचा बिनधास्त आणि धासु अंदाज लोकांना चांगलाच पसंत पडला आहे. याबरोबरच नुकतंच तिने ‘ताली’ या चित्रपटासाठी डबिंगदेखील पूर्ण केलं आहे. हा चित्रपट ट्रांसजेंडर समाज सेविका गौरी सावंतच्या जीवनावर बेतलेला आहे. यात सुश्मिता मुख्य भूमिका करत असून रवी जाधव यांनी याचं दिग्दर्शन केलं आहे.
