“आशिकी २, पीके, हीरामंडीची ऑफर मिळाली होती,” पाकिस्तानी अभिनेत्याचा दावा; म्हणाला, “महेश भट्ट…”

एआरवायच्या शान-ए-सुहूरला दिलेल्या मुलाखतीत इम्रानने बॉलीवूडमधून त्याला मिळालेल्या संधींबद्दल सांगितलं. “आता जेव्हा मी मागे वळून पाहतो तेव्हा वाटतं की मी आशिकीसारखा चित्रपट सोडला होता. सगळे म्हणतात, ‘तू आशिकी सोडलास? एवढा मोठा चित्रपट.’ अगदी पीकेमध्येही सरफराजची भूमिका ऑफर झालेली, ती सोडली. संजय लीला भन्साळींची हीरामंडी… त्यांना मी नकार दिला नाही पण त्यावेळी तो प्रोजेक्ट रखडला होता. ‘गुजारिश’मध्येही मला आदित्य रॉय कपूरची भूमिका ऑफर करण्यात आली होती,” असं इम्रान म्हणाला.

“ते आधीच विवाहित होते,” लग्न गुपित ठेवण्याबद्दल अरुणा इराणींचा खुलासा; मूल होऊ न देण्याबाबत म्हणाल्या, “तो निर्णय…”

‘आशिकी २’ बद्दल इम्रान अब्बास म्हणाला, “आशिकी २ हा सर्वात मोठा प्रोजेक्ट होता. आता बरेच जण म्हणतात की त्यांना आशिकीची ऑफर मिळाली होती पण तुम्ही महेश भट्ट यांना विचारा. त्यांनी आणि दिग्दर्शक मोहित सूरी यांनी अधिकृत ऑफर दिलेला मी एकमेव अभिनेता होतो. लोक मला म्हणतात, ‘तू हे काय केलं? तो इतका मोठा चित्रपट होता आणि तू केला नाहीस, उलट तू त्यावेळी केला तो हिट झाला नाही.’ पण आता असं बोलून मला निराश करू नका, कारण त्याचा काहीच फायदा नाही.”

“कंगना रणौत व माझा मुलगा एकत्र आनंदी होते,” अभिनेत्रीच्या एक्स बॉयफ्रेंडच्या वडिलांचं विधान; म्हणाले, “त्या दोघांच्याही…”

इम्रानचा पहिला भारतीय चित्रपट २०१४ मध्ये आलेला क्रिएचर थ्रीडी होता, ज्यात बिपाशा बसू होती. मग २०१५ मध्ये आलेल्या ‘जानीसार’ या चित्रपटातही त्याने काम केलं होतं. ‘ए दिल है मुश्कील’मध्ये इम्रानने अनुष्का शर्माचा बॉयफ्रेंड फैजलची भूमिका साकारली होती.