‘या’ कारणामुळे अभिनेता जिम्मी शेरगिलवर गुन्हा दाखल, पंजाब पोलिसांची कारवाई

अभिनेता जिमी शेरगिल पंजांबमध्ये ‘युअर ऑनर 2’ या वेब सीरिजचं शूटिंग करत होता. एका शाळेमध्ये या वेब सीरिजचं शूटिंग सुरू होतं. यावेळी नाईट कर्फ्यू असतानाही रात्री आठ वाजल्यानंतर शूटिंग सुरु असल्याने पोलिसांनी सेटवर धडक दिली. यावेळी सेटवर शंबर लोक उपस्थित होते. त्यामुळे करोनाच्या नियमावलीचं पालन न केल्याने जिमि शेरगिलसह चार जणांवर गुन्हा दाखल करण्यात आला आहे. पंजाबमध्ये देखील गेल्या काही दिवसात करोनाच्या रुग्णांची संख्या वाढतेय. त्यामुळेच प्रशासनाने कडक प्रतिबंध लागू केले आहेत.अशातही रात्री आठनंतर शूटिंग सुरू असल्याने पोलिसांनी ही कारवाई केली आहे.

काही दिवसांपूर्वीच अभिनेता जिमि शेरगिल करोना प्रतिबंधात्मक लसीचा पहिला डोस घेतला आहे. सोशल मीडियावर फोटो शेअर करत जमिने यासंदर्भात माहिती दिली होती. यावेळी जिमिने चाहत्यांना करोनाची लस घेण्याचं आवाहनदेखील केलं होतं. जिम्मी शेरगिल लवकरच ‘दाना-पानी 2’, ‘शरीक 2’ आणि ‘देव खरूद’ या सिनेमात झळकणार आहे.