“माझ्या वडिलांनी मला…” आमदार फोडाफोडीच्या राजकारणावर पंकजा मुंडेंचे ‘ते’ वक्तव्य चर्चेत

बस बाई बस कार्यक्रमाचा प्रोमो झी मराठीने शेअर केला आहे. यात सुबोध भावे हे पंकजा मुंडे यांच्याशी विविध विषयांवर संवाद साधताना दिसत आहे. यावेळी सुबोध भावेंनी पंकजा मुंडेंना एका खेळादरम्यान दुसऱ्या पक्षातील आमदार फोडलेत का? असा प्रश्न विचारला होता. त्यावर पंकजा मुंडेंनी हो असे उत्तर दिले. त्यावर सुबोध भावेंनी कोण कोण आणि कधी कधी असे विचारताच पंकजा यांनी सर्व सांगितलं तर अजून एक तास लागेल, असे मिश्किलपद्धतीने सांगितले. त्यावर सुबोध भावेही आम्हाला चालेल असे म्हटलं.

आणखी वाचा

राज्यातील खंडणीच्या प्रकारांना मुख्यमंत्री, गृहमंत्री नव्हे तर कोण जबाबदार ? माजी मुख्यमंत्री पृथ्वीराज चव्हाण यांची विचारणा

कसे असते महिला नागा साधूंचे जीवन? त्यांचा पेहराव…

Bajrang Sonawane : अजित पवारांच्या पक्षाकडून ऑफर आली का? विचारताच बजरंग सोनावणे म्हणाले, “आम्ही आठही खासदार….”

Rohit Pawar : अजित पवार गटाकडून शरद पवारांच्या खासदारांना ‘ऑफर’? रोहित पवारांची मोठी प्रतिक्रिया; म्हणाले, “अधिवेशन होतं तेव्हा…”

Arjun Khotkar : “कैलास गोरंट्याल यांची दुकानदारी मी बंद करणार”, अर्जुन खोतकर यांचा थेट इशारा

कपिल पाटील पुन्हा मंत्री, वामन म्हात्रे महापौर होतील, वन मंत्री गणेश नाईक यांचे भाकीत, नाईकांच्या वक्तव्याने चर्चांना उधाण

नितीन गडकरी म्हणतात… ४० टक्के वायू प्रदुषणाला आमचेच मंत्रालय जबाबदार

“नागरिकांचे जीवन उद्ध्वस्त करणाऱ्या जुमलांपेक्षा…” देशाच्या आर्थिक स्थितीवरून खरगेंची पंतप्रधान मोदींवर टीका

त्यापुढे पंकजा मुंडेंनी त्यांच्या सक्रीय राजकारणाबद्दल गुलदस्त्यात असणाऱ्या काही गोष्टी शेअर केल्या. यावेळी त्या म्हणाल्या, अनेक लोकांनी भारतीय जनता पार्टीमध्ये प्रवेश केला आहे. माझ्या जिल्ह्यात अनेक राष्ट्रवादी, काँग्रेसचे नेते आहेत, त्यांनी आमच्या पक्षात प्रवेश केला आहे. राजकारणाच्या एका विशिष्ट पदावर मी काम करते.

मला बाबांनी एक वाक्य नेहमी सांगितलं की बेरीजेचे राजकारण करायचे, वजाबाकीचे नाही. त्यामुळे आपल्याकडे बेरीज होते का याकडे पाहायचे. राजकारणात आणि युद्धात जिंकणं महत्त्वाचं आहे. अशा परिस्थिती आपल्याला शोभेल अशी लोकं घेण्याचा मी तरी प्रयत्न करते. मी बीड जिल्ह्याच्या राष्ट्रवादीच्या नेत्या नमिता मुदंडा ज्या आता भाजपच्या आमदार आहेत. तसेच सुरेश धस आहेत. त्यामुळे आमच्याकडे येणे-जाणं (Import-export) चालूच असतं, असे पंकजा मुंडे म्हणाल्या.

त्यांचे हे स्पष्टपणे दिलेले उत्तर ऐकून अनेकांना मोठा धक्का बसला. विशेष म्हणजे या कार्यक्रमात पंकजा मुंडेंनी विविध गोष्टींवर भाष्य केले. यावेळी दुसऱ्या पक्षातील आमदार कधी फोडलेत का? असा प्रश्न सुबोध भावेंनी विचारला होता. त्यावर पंकजा मुंडेंनी फ्लिमी स्टाईलमध्ये उत्तर दिलं. एक एक आमदार की किंमत तुम क्या जानो सुबोध बाबू, असे पंकजा मुंडे म्हणाल्या.