बॉलिवूडमध्ये नवनवीन चेहरे येतच असतात. अनेक कलाकार चित्रपटसृष्टीत येतात. त्यातील काहींना प्रसिद्धी मिळते तर काहीजण या ग्लॅमरच्या दुनियेत आपला जम बसवण्यात अपयशी ठरतात. अशाच एका अभिनेत्रीबद्दल आज आपण जाणून घेणार आहोत. या अभिनेत्रीच नाव आहे पूनम झावर.
अभिनेता सुनील शेट्टीचा ‘मोहरा’ चित्रपट १९९४ साली प्रदर्शित झाला होता. या चित्रपटातील ‘ना कजरे की धार….’ हे गाणे तर अनेकांना माहिती असेलच. या गाण्यात सुनील शेट्टीसोबत अभिनेत्री पूनम झावर झळकली होती. चित्रपटातील तिच्या निरागस लूकने त्यावेळी बऱ्याच जणांना घायाळ केले होते. आता जवळपास दोन दशकांनंतर ही अभिनेत्री पुन्हा एकदा सर्वांसमोर आली आहे. काही दिवसांपूर्वी एका कार्यक्रमात पूनमने हजेरी लावली होती. पण, या अभिनेत्रीला तेव्हा कोणीच ओळखू शकले नाही.
एका वेबसाइटने दिलेल्या वृत्तानुसार, पूनमने तिचे सौंदर्य खुलून दिसावे याकरिता सर्जरी केल्याचे कळते. पूनम सोशल मीडियावरही बऱ्यापैकी सक्रिय आहे. प्लास्टिक सर्जरीनंतरचे तिचे फोटो पाहिल्यास ही नक्की तिच पूनम आहे का? असा प्रश्न नक्कीच सगळ्यांना पडेल यात शंका नाही.
अक्षय कुमार आणि परेश रावल यांच्या ‘ओह माय गॉड’ या २०१२ साली प्रदर्शित झालेल्या चित्रपटातही पूनमने काम केले होते. या चित्रपटात तिने साध्वी गोपीची भूमिका साकरली होती.
