हॉलिवूड स्टार अल पचीनो आणि रॉबर्ट डी नीरो हे ८० व्या वर्षीही चौथ्या किंवा सातव्या मुलाला जन्म देत असल्याच्या बातम्या आपण काही दिवसांपासून ऐकत आहोत. एकूणच सोशल मीडियावर याची जबरदस्त चर्चा होताना दिसत आहे. अशातच आपले भारतीय सेलिब्रिटीज तरी कसे मागे राहणार? नृत्यदिग्दर्शक आणि दाक्षिणात्य चित्रपट दिग्दर्शक प्रभू देवा सध्या याच कारणामुळे चर्चेत आहे.
५० व्या वर्षी प्रभू देवाला वडील होण्याचं सौभाग्य मिळालं आहे. दुसरी पत्नी हिमानी सिंगपासून प्रभू देवाला पहिलं कन्या रत्न झालं आहे. २०२० मध्ये प्रभू देवाने हिमानीसह लग्नगाठ बांधली होती. या नव्या तान्ह्या बाळासाठी दोघेही चांगलेच उत्सुक होते.
आणखी वाचा : अल पचिनो यांची २९ वर्षीय गरोदर गर्लफ्रेण्डकडे पितृत्व चाचणीची मागणी; अभिनेत्याचे कुटुंबीयही प्रचंड नाराज
खुद्द प्रभू देवाने या गोष्टीची पुष्टी केली आहे. ‘ईटाइम्स’शी संवाद साधताना प्रभू देवा म्हणाला, “हो या वयातही मी बाप झालो आहे हे खरं आहे. मी फार आनंदी आहे आणि परिपूर्ण झालोय असं वाटतंय.” प्रभू देवाला पहिली पत्नी रामलतापासून तीन मुलं आहेत. अद्याप यावर आणखी कुणी प्रतिक्रिया दिलेली नाही.
प्रभू देवाने पुढील सगळा वेळ हा लहान मुलीबरोबर घालवणार असल्याचे स्पष्ट केलं आहे. एकंदरच कामाचा व्याप कमी करून कुटुंबाबरोबर वेळ घालवण्यासाठी प्रभू देवा उत्सुक आहे. पहिल्या पत्नीबरोबर १६ वर्षं संसार केल्यानंतर प्रभू देवाने वेगळं व्हायचा निर्णय घेतला. नयनताराबरोबर अफेअर असल्याने प्रभू देवाने घटस्फोट घेतल्याची तेव्हा चर्चा झाली होती, पण त्याबद्दल काहीच ठोस बातमी समोर आली नाही.
