“आता मागे न पाहता पुढे जाणे गरजेचे”, प्राजक्ता माळीची ‘ती’ पोस्ट चर्चेत

प्राजक्ता माळी हिने नुकतंच इन्स्टाग्रामवर एक टिझर शेअर केला आहे. तिचा हा टिझर मुक्ता बर्वेच्या वाय या चित्रपटाचा आहे. हा टिझर पोस्ट करत तिने त्याला एक कॅप्शनही दिले आहेत. “मार्गावरी काटे जरी असंख्य, मला जखमांची तमा नाही, लाख अडथळे आले तरी आता माघारी वळणे नाही…, आता मागे न पाहता पुढे जाणे गरजेचे आहे. ‘ती’ घेऊन येतेय ‘वाय’ चा ट्रेलर, उद्या!”, असे तिने या पोस्टमध्ये म्हटले आहे. तिची ही पोस्ट सध्या चांगलीच चर्चेत आहे.

“प्राजक्ता तू…”, ‘रानबाजार’ पाहिल्यानंतर कुशल बद्रिकेची ‘ती’ पोस्ट चर्चेत

दरम्यान वाय या चित्रपटात अभिनेत्री मुक्ता बर्वेसोबत प्राजक्ता माळी ही झळकणार आहे. सत्य घटनांवर आधारित असलेल्या ‘वाय’ या चित्रपटात मुक्ता ही मुख्य भूमिकेत झळकणार आहे. सध्या या चित्रपटाच्या पोस्टरची सोशल मीडियावर बरीच चर्चा पाहायला आहे.

“माझा पाठिंबा आहे…”, अभिनेत्री प्राजक्ता माळीची ‘ती’ पोस्ट चर्चेत

कंट्रोल एन प्रॉडक्शन निर्मित या चित्रपटाची कथा अजित सुर्यकांत वाडीकर यांची आहे. तर या चित्रपटाची पटकथा आणि संवाद अजित वाडीकर, स्वप्नील सोज्वळ आणि संदीप दंडवते यांनी लिहिलेले आहेत. तर कार्यकारी निर्मात्याची धुरा विराज विनय मुनोत यांनी सांभाळली आहे. हा चित्रपट २४ जून रोजी चित्रपटगृहात प्रेक्षकांच्या भेटीला येणार आहे.