‘सूर सपाटा’मध्ये प्रवीण तरडे साकारणार ही भूमिका

‘पिंजरा’, ‘कन्यादान’, ‘तुझं माझं जमेना’ यांसारख्या मालिकांचे लेखन असेल अथवा ‘कुटुंब’, ‘पितृऋण’, ‘रेगे’, ‘मुळशी पॅटर्न’ यांसारख्या संवेदनशील चित्रपटांचे कथा-पटकथाकार-संवादलेखक शिवाय ‘देऊळ बंद’ या चित्रपटाद्वारे दिग्दर्शन क्षेत्रातही उडी घेणारा प्रवीण तरडे मनोरंजन क्षेत्राच्या मैदानात एकामागोमाग-एक यशस्वी सूर मारताना दिसतो. ‘सूर सपाटा’निमित्ताने कबड्डीचे रंगतदार सामने, स्पर्धकांची जिंकण्यासाठी चाललेली चढाओढ, दोन्ही बाजूच्या स्पर्धक कंपूतील इरिशिरी पाहताना प्रेक्षकांचीही उत्कंठा शिगेला पोहचणार हे नक्की.

वाचा : या देशात साजरा केला जातो ‘श्रेया घोषाल दिन’

या चित्रपटात राष्ट्रीय पुरस्कार विजेता बाल कलाकार हंसराज जगताप, यश कुलकर्णी, चिन्मय संत, चिन्मय पटवर्धन, रुपेश बने, जीवन कळारकर, सुयश शिर्के, शरयू सोनावणे, निनाद तांबावडे आदींसोबत हिंदीतील सुप्रसिद्ध अभिनेते गोविंद नामदेव, दिग्दर्शक-सिनेमॅटोग्राफर संजय जाधव, उपेंद्र लिमये, लेखक-दिग्दर्शक प्रवीण तरडे, आनंद इंगळे, संजय झाडबुके, अभिज्ञा भावे आणि नेहा शितोळे यांच्याही प्रमुख भूमिका आहेत. सिनेमॅटोग्राफर विजय मिश्रा असून अभिनय जगतापचे श्रवणीय संगीत चित्रपटाला लाभले आहे.