बॉलीवूड आणि हॉलीवूडला आपल्या अभिनयाने भुरळ पाडणारी अभिनेत्री प्रियांका चोप्रा हिला नुकताच ‘दादासाहेब फाळके पुरस्कार’ जाहीर झाला आहे. विशेष म्हणजे तिला हा पुरस्कार दुस-यांदा मिळणार आहे. प्रियांका यापूर्वी ‘सात खून माफ’ या चित्रपटातील तिच्या अभिनयाकरिता दादासाहेब फाळके पुरस्काराने सन्मानित करण्यात आले होते. त्यानंतर आता दादासाहेब फाळकेंच्या १४७ जयंतीनिमित्त देण्यात येणारा ‘सर्वोत्कृष्ट अभिनेत्री’चा पुरस्कार प्रियंकाला मिळणार आहे. येत्या २४ एप्रिलला हा पुरस्कार सोहळा पार पडणार आहे. मात्र, प्रियांका या सोहळ्याला उपस्थित राहणार की नाही हे अद्याप कळू शकलेले नाही.