३२ लाखांची घड्याळ, १.७ लाखाचा ड्रेस प्रियांकाच्या ऑस्कर लूकने वेधल सगळ्यांच लक्ष

या सोहळ्यासाठी प्रियांकाने निळ्या रंगाचा ड्रेस परिधान केला होता. या ड्रेसवर मॅचिंग असं निळ्या बेल्टचं घड्याळ तिने घातल्याचं दिसतंय. तर गुलाबी रंगाची बेली सॅण्डल तिने निवडल्या आहेत. प्रियांकाने परिधान केलेल्या त्या डिझायनर निळ्या ड्रेसची किंमत ही १.७ लाख रूपये आहे. सोबतच प्रियांकाच्या घड्याळची देखील चर्चा होताना दिसत आहे. प्रियांकाने Bvlgari Diva ची ड्रीम वाच घातली आहे. ई-कॉमर्स पोर्टल्सवर प्रियांकाच्या या घड्याळाची किंमत ही ३२ लाख ४७ हजारांच्या जवळपास आहे. अशा साध्या घड्याळाची किंमत एवढी कशी असा प्रश्न तुम्हाला आला असेल तर, ही घड्याळ १८ कॅरेट रोज गोल्ड केस आणि हिऱ्यांनी जडलेली आहे. ही लिस्ट इथेच संपलेली नाही, प्रियांकाने जी गुलाबी रंगाची बेली सॅण्डल परिधान केली आहे. तिची किंमत ही ५४ हजार आहे. कॅट पंपचा गुलाबी रंगाची ही Maison Christian Louboutin ची ही एक अप्रतिम सॅण्डल आहे. तर एकूण प्रियांकाच्या या लूकची किंमत ही ३४.८ लाख एवढी आहे. तर निक जोनसने गोल्डन सूट परिधान केल्याचं दिसतंय. या सूटच्या आत त्याने पांढऱ्या रंगाचं शर्ट घातलंय.
`

निकने या सोहळ्याती दोघांचा एक मजोशीर फोटो शेअर केलाय. यात दोघे एक भली मोठी ऑस्करची ट्रॉफी चोरून पळत असल्याचं दिसतंय. तर प्रियांकाच्या ‘द व्हाइट टायगर’ या सिनेमाला नॉमिनेशन मिळालं असून निकने प्रियांकाला आणि सिनेमच्या संपूर्ण टीमला शुभेच्छा दिल्या आहेत.