अभिनेत्री प्रियांका चोप्रा सध्या विविध कारणांनी चर्चेत आहे. तिच्या आगामी प्रोजेक्ट्सकडे सर्वांचेच लक्ष वेधले गेले आहे. ती लवकरच स्पाय थ्रिलर वेब सीरिज 'सिटाडेल'मध्ये महत्त्वपूर्ण भूमिकेत दिसणार आहेत. या सीरिजमध्ये तिचा डॅशिंग अंदाज प्रेक्षकांना पाहायला मिळणार आहे. तर आता तिच्या वाट्याला आणखी एक मोठा हॉलीवूड चित्रपट आला आहे. प्रियांका चोप्राच्या आगामी चित्रपटांची यादी दिवसेंदिवस वाढत आहे. 'सिटाडेल' या सीरिजव्यतिरिक्त प्रियांका हॉलीवूड चित्रपट 'लव्ह अगेन'मध्येही दिसणार असून, आता तिने आणखी एक मोठा हॉलीवूड चित्रपट साईन केला आहे. विशेष म्हणजे या चित्रपटात ती WWE रेस्लर जॉन सीनाबरोबर स्क्रीन शेअर करत अॅक्शन करताना दिसणार आहे. आणखी वाचा : “प्रियांकाने अनेक बॉलीवूड चित्रपट गमावले कारण…” मधू चोप्रा यांचा लेकीच्या करिअरबद्दल मोठा खुलासा 'हेड्स ऑफ स्टेट' असे या आगामी चित्रपटाचे नाव आहे. मे महिन्यात या चित्रपटाचे शूटिंग सुरू होईल. 'नोबडी' फेम इल्या नॅस्क्युलर या चित्रपटाचे दिग्दर्शन करणार आहे. तर या चित्रपटात प्रियांका चोप्रा, जॉन सीनाबरोबरच आघाडीचा हॉलीवूड अभिनेता इद्रिस एल्बाही महत्त्वपूर्ण भूमिकेत दिसेल. या चित्रपटाची स्टार कास्ट निश्चित झाल्यानंतर जॉन सीनाने ट्वीट करत टीमचे आभार मानले. तर जॉन सीनाच्या ट्वीटला उत्तर देत प्रियांकानेही त्याचे स्वागत केले आणि त्याचे आभार मानले. https://twitter.com/priyankachopra/status/1643697098318315527?t=MX6krcnDGJ8slSRxBB0DSA&s=08 हेही वाचा : …आणि प्रियांका चोप्राने भर कार्यक्रमात सेटजवरच निक जोनसला केलं किस, व्हिडीओ तुफान व्हायरल या चित्रपटाची कथा जोश अॅपेलबॉम आणि आंद्रे नेमेक यांनी लिहिली आहे. या चित्रपटाची कथा 'एअरफोर्स वन मीट मिडनाईट रन'सारखी असू शकते असा अंदाज वर्तवला जात आहे. तिच्या या आगामी चित्रपटाबद्दल चाहत्यांमध्ये उत्सुकता आहे.
