प्रियांकाच्या ‘एक्झॉटिक’ला तीन कोटींपेक्षा जास्त हिट्स

बॉलिवूड अभिनेत्री प्रियांका चोप्रा हिच्या ‘एक्झॉटिक’ या म्युझिक व्हिडिओने एक नवा रेकॉर्ड बनवला आहे. या अल्बमला युट्यूबवर तीन कोटींपेक्षा जास्त हिट मिळाल्या आहेत. प्रियांकाने यात अमेरिकन गायक रॅपर पिटबुल यांच्यासोबत गाणे म्हटले आहे. तिने गेल्या वर्षी इंग्रजी आणि हिंदीत हे गाणे म्हणून तिच्या चाहत्यांची पुन्हा एकदा मने जिंकली होती.
३१ वर्षीय प्रियांकाचे हे गाणे गेल्यावर्षी ११ जुलै २०१३ रोजी प्रदर्शित झाले होते. ‘थॅक क्यू ऑल फॉर सपोर्ट अँड लव्ह’ असे ट्विट करत प्रियांकाने चाहत्यांचे आभार मानले आहेत. सध्या ती अली अब्बास जफरच्या ‘गुंडे’ या चित्रपटात काम करत आहे. यात तिच्यासोबत रणवीर सिंह आणि अर्जुन कपूर यांच्या भूमिका आहेत.