‘सूर्यवंशी’मधून करण जोहरचं नाव हटवलं?

‘सूर्यवंशी’ या चित्रपटाची निर्मिती करण जोहर करत असून सुशांतच्या आत्महत्येनंतर त्याला अनेकांनी ट्रोल केलं आहे. म्हणूनच या चित्रपटाच्या श्रेयनामावलीतून करण जोहरचं नाव हटविल्याची चर्चा सुरु होती. परंतु, या चर्चांना काही अर्थ नसून त्याचं नाव या श्रेयनामावलीत असल्याचं तरण आदर्श यांनी सांगितलं आहे.

”सूर्यवंशी’च्या श्रेयनामावलीतून करण जोहरचं नाव हटविल्याच्या ज्या चर्चा सुरु आहेत. त्या चुकीच्या आहेत. रिलायन्स एन्टरेन्मेंटकडून याविषयी खुलासादेखील करण्यात आला आहे”, असं ट्विट तरण आदर्श यांनी केलं आहे. दरम्यान, सुशांतच्या आत्महत्येनंतर करण जोहर,सलमान खान यांच्यावर अनेकांनी घराणेशाहीचा आरोप केला आहे. तसंच दिवंगत अभिनेता इंदर कुमार याच्या पत्नीनेदेखील करण जोहरवर घराणेशाहीचा आरोप केला आहे.