अभिनेते पुनीत राजकुमार यांच्या निधनाची बातमी देताना वृत्तनिवेदिकेला कोसळले रडू

हा व्हिडीओ ट्वीटरवर प्रचंड व्हायरल झाला आहे. या व्हिडीओत पुनीतच्या निधनाची बातमी देत असताना, कन्नड न्यूज चॅनल BTV वृत्तनिवेदिकेला रडू कोसळले. त्यानंतर तिचे सहकारी तिचे सांत्वन करत असताना दिसत आहेत.

पुनीत यांना काल (शुक्रवारी २९ ऑक्टोबर) दुपारी १ ते १.३० च्या सुमारास हृदयविकाराचा तीव्र झटका आला. यानंतर त्यांना तातडीने बंगळुरुतील एका खाजगी रुग्णालयात दाखल करण्यात आले. त्यांच्यावर अतिदक्षता विभागात (आयसीयू) उपचार सुरु होते. मात्र त्यानंतर त्यांची प्रकृती खालवत गेली. बंगळुरुमधील विक्रम रुग्णालयात त्यांनी अखेरचा श्वास घेतला. दरम्यान, त्यांच्या मागे पत्नी आणि दोन मुली असा परिवार आहे.