Pushpa 2 Box Office Collection Day 17: सुकुमार दिग्दर्शित ‘पुष्पा २: द रुल’ चित्रपटाचा सध्या बॉक्स ऑफिसवर धुमाकूळ पाहायला मिळत आहे. अल्लू अर्जुन, रश्मिका मंदाना आणि फहाद फासिल यांची प्रमुख भूमिका असलेला ‘पुष्पा २: द रुल’ चित्रपट दिवसेंदिवस नवनवीन रेकॉर्ड करत आहे. त्यामुळे सध्या बॉक्स ऑफिसवर पुष्पाची हवा जोरदार आहे, असं म्हणायला काही हरकत नाही. पण, शनिवारी या चित्रपटाने किती कोटींची कमाई केली? जाणून घ्या.
‘पुष्पा २: द रुल’ ( Pushpa 2 ) चित्रपटाने दुसऱ्या शनिवारी ( १४ डिसेंबर ) ६२.३ कोटींचा व्यवसाय केला होता. यामधील ४६ कोटी हिंदी व्हर्जनने कमावले. तर १३ कोटींची कमाई तेलुगू व्हर्जनने केली होती. सॅकनिल्कच्या रिपोर्टनुसार, तिसऱ्या शनिवारी म्हणजे १७व्या दिवशी ‘पुष्पा २: द रुल’ चित्रपटाने चांगलीच कमाई केली आहे. शनिवारी २५ कोटींचा गल्ला अल्लू अर्जुनच्या चित्रपटाने जमवला आहे. त्यामुळे भारतातील एकूण कमाईचा आकडा १०२९.९ कोटी झाला आहे.
एकूण कमाईच्या आकड्यांमध्ये तेलुगू भाषेतील चित्रपटाने आतापर्यंत ३०२.३५ कोटी, हिंदीमध्ये ६५२.९ कोटी, तमिळमध्ये ५३.४ कोटी, कन्नडमध्ये ७.२४ कोटी आणि मल्याळममध्ये १४.०१ कोटींचा व्यवसाय केला आहे. तर जगभरात ‘पुष्पा २: द रुल’ ( Pushpa 2 ) चित्रपटाने १६०० कोटी रुपये कमावले आहेत.
दरम्यान, ४०० ते ५०० कोटींच्या बजेटमध्ये बनलेला ‘पुष्पा २: द रुल’ ( Pushpa 2 ) चित्रपटात अल्लू अर्जुन, रश्मिका मंदाना, फहाद फासिलसह श्रीतेज, अनासुया भारद्वाज, जगदीप प्रताप, जगपति बाबू महत्त्वाच्या भूमिकेत आहेत. २०२४ संपण्यापूर्वी ‘पुष्पा २: द रुल’ बरेच रेकॉर्ड करण्याची शक्यता आहे. तसंच आता हॉलीडे, ख्रिसमस आहे, त्यामुळे या चित्रपटाच्या कमाईत मोठी वाढ होणार असल्याचा अंदाज वर्तवला जात आहे.
‘पुष्पा २: द रुल’ ( Pushpa 2 ) चित्रपटाच्या १५ दिवसांच्या कमाईबद्दल बोलायचं झालं तर, पहिल्या दिवशी-१६४.२५ कोटी, दुसऱ्या दिवशी-९३.८ कोटी, तिसऱ्या दिवशी-११९.२५ कोटी, चौथ्या दिवशी ११४१.०५ कोटी, पाचव्या दिवशी-६४.४५ कोटी, सहाव्या दिवशी ५१.५५ कोटी, सातव्या दिवशी-४३.३५ कोटी, आठव्या दिवशी-३७.४५ कोटी अशी पहिल्या आठवड्यात या चित्रपटाने एकूण ७२५.८ कोटींची कमाई केली होती. नवव्या दिवशी-३६.४ कोटी, दहाव्या दिवशी-६३.३ कोटी, अकाराव्या दिवशी-७६.६ कोटी, बाराव्या दिवशी-२६.९५ कोटी आणि तेराव्या दिवाशी-२४.३५ कोटी, चौदाव्या दिवशी २०.५५ कोटी, पंधराव्या दिवशी-१७.६५ कोटी अशाप्रकारे दुसऱ्या आठवड्यात ‘पुष्पा २: द रुल’ चित्रपटाने एकूण २६४.८ कोटींची कमाई केली. तसंच सोळाव्या दिवशी १४.३ कोटींचा व्यवसाय सुकुमारच्या चित्रपटाने केला.
