सुपरहिट चित्रपट, दोन घटस्फोट, तीन लग्नं अन्…; ऋषी कपूर यांची ‘ही’ हिरोईन आहे सुप्रसिद्ध क्रिकेटपटूची सासू

आज आपण ज्या अभिनेत्रीबद्दल बोलत आहोत तिचं नाव राधिका सरथकुमार आहे. तिने १९७८ साली आलेल्या ‘किझाक्के पोगम रेल’ या तमिळ चित्रपटातून सिनेसृष्टीत पदार्पण केलं होतं. त्यानंतर तिने अनेक तमिळ, तेलगू, कन्नड, हिंदी आणि मल्याळम चित्रपटांमध्ये काम केलं. अभिनयाव्यतिरिक्त राधिका सरथकुमार ही रदान मिडिया वर्क्स लिमिटेडची संस्थापक आणि क्रिएटिव्ह प्रोड्यूसर देखील आहे. तिने १९७९ साली हिंदी चित्रपटांमध्ये पदार्पण केलं होतं, पण १९८६ साली आलेल्या ऋषी कपूर आणि फराह नाझ यांच्या ‘नसीब अपना अपना’ या चित्रपटातून तिला लोकप्रियता मिळाली. हा १९८२ मध्ये आलेल्या ‘गोपुरंगल सैवथिल्लई’ या तमिळ चित्रपटाचा रिमेक होता.

आणखी वाचा

‘रंग माझा वेगळा’ फेम अभिनेत्री झाली बिझनेसवुमन! ‘या’ अभिनेत्याच्या साथीने सुरू केला हटके व्यवसाय; पाहा झलक

Nana Patole : निकालाआधी राजकीय घडामोडींना वेग; यातच…

‘भाग्य दिले तू मला’ फेम अभिनेत्री झळकणार ‘स्टार प्रवाह’च्या नव्या मालिकेत, प्रोमो शेअर करत म्हणाली, “कलाकार म्हणून कायमच…”

तीन विवाहित पुरुषांच्या प्रेमात पडली होती ‘ही’ सुप्रसिद्ध अभिनेत्री; बॉलीवूडसह दक्षिणेत केलेत अनेक सुपरहिट सिनेमे

‘या’ अभिनेत्रीने एकेकाळी सेटवर साफ केला कचरा, पहिलाच सिनेमा झाला फ्लॉप; नंतर एकाच वर्षात दिले आठ सुपरहिट सिनेमे

‘महाराष्ट्राची हास्यजत्रा’मध्ये प्रेक्षकांना खळखळून हसवणाऱ्या ‘या’ अभिनेत्रीला ओळखलंत का?

‘पुन्हा सही रे सही’ नाटकातील अभिनेत्रीचं थाटामाटात पार पडलं लग्न! यापूर्वी लोकप्रिय मालिकेत साकारलेली भूमिका, पाहा फोटो

‘गदर २’च्या यशानंतर सनी देओलच्या २७ वर्षे जुन्या चित्रपटाचा सिक्वेल येणार, प्रदर्शनाची तारीखही ठरली!

राधिका सरथकुमारने २००६ च्या विधानसभा निवडणुकीपूर्वी एआयएडीएमके पक्षात प्रवेश केला होता, पण तिने २००७ मध्ये राजीनामा दिला तोवर ती ऑल इंडिया समथुवा मक्कल काचीची उपाध्यक्ष होती. आता २०२४ च्या लोकसभा निवडणुकीत राधिका सरथकुमार विरुधुनगर लोकसभा मतदारसंघातून भाजपाच्या तिकिटावर निवडणूक लढवत आहे.

अर्पिता खानपासून घटस्फोट घेण्याच्या चर्चांवर आयुष शर्माची प्रतिक्रिया; म्हणाला, “मी माझ्या मुलाला…”

राधिकाने फेब्रुवारी २००१ मध्ये अभिनेता सरथकुमारशी लग्न केलं. लग्नापूर्वी ते मित्र होते आणि त्यांनी दोन चित्रपटांमध्ये एकत्र काम केलं होतं. या जोडप्याला २००४ मध्ये मुलगा झाला. त्याचं नाव राहुल आहे. खरं तर राधिकाने सरथकुमार यांच्याशी तिसरं लग्न केलं होतं. तिचं पहिलं लग्न १९८५ साली प्रताप पोथनशी झालं अन् वर्षभरात १९८६ मध्ये त्यांचा घटस्फोट झाला. मग तिचं दुसरं लग्न १९९० मध्ये रिचर्ड हार्डीशी झालं. पण तो संसारही दोन वर्षांतच मोडला. या लग्नापासून राधिकाला रायने नावाची मुलगी झाली. रायने हार्डी हिचा जन्म १९९२ मध्ये झाला होता आणि तिने क्रिकेटपटू अभिमन्यू मिथुनशी लग्न केलं आहे. तो आयपीएलमध्ये विराट कोहलीच्या रॉयल चॅलेंजर्स बंगळुरूकडून खेळला आहे.

भव्य सेट, खरे दागिने अन्…; संजय लीला भन्साळींनी घेतले ६० कोटी, ‘हीरामंडी’चं बजेट किती? कोणाला किती मानधन मिळालं?

दुसरीकडे राधिकाचे पती सरथकुमार यांचं पहिलं लग्न छाया देवीशी झालं होतं. १९८४ ते २००० अशा १६ वर्षांच्या संसारानंतर ते विभक्त झाले. त्यांना वरलक्ष्मी आणि पूजा या दोन मुली होत्या. त्यानंतर २००१ मध्ये त्यांनी राधिकाशी लग्न केलं. आता ते २० वर्षांहून अधिक काळ सुखाने संसार करत आहेत.