‘चिट्टी’ जाणार चीनला, रजनीकांत यांचा 2.0 चीनमध्ये होणार प्रदर्शित

साधरण मे २०१९ मध्ये चीनच्या १० हजार चित्रपटगृहात तो दाखवण्यात येणार आहे. तब्बल ५६ हजार स्क्रीन 2.0 साठी उपलब्ध करून देण्यात येणार आहेत. यातल्या ४७ हजार स्क्रीनवर तो 3D मध्ये तो पाहता येणार आहे. एखाद्या परदेशी चित्रपटाला एवढ्या मोठ्या प्रमाणात 3D साठी स्क्रीन उपलब्ध करून देण्याची ही पहिलीच वेळ आहे.

जवळपास साडेपाचशे कोटी रुपये खर्चून 2.0 चित्रपटाची निर्मिती करण्यात आली आहे. भारतातील एवढं मोठं बजेट असलेला हा पहिलाच चित्रपट आहे. विशेष म्हणजे तंत्रज्ञानाची कमाल आणि सामाजिक संदेश याची योग्य सांगड घालून या चित्रपटाची निर्मिती करण्यात आली आहे. सुपरस्टार रजनीकांत यांचा हा चित्रपट असल्यानं दाक्षिणात्य प्रेक्षकांकडून याला भरपूर प्रतिसाद मिळत आहे. आता चीनमध्ये 2.0 ला प्रेक्षकांचा कसा प्रतिसाद मिळतोय हे पाहण्यासारखं ठरणार आहे.

The Next Major Milestone for Team #2Point0 MEGA Release In CHINA.. #2Point0InChina #2Point0MegaBlockbuster @rajinikanth @akshaykumar @shankarshanmugh @arrahman @iamAmyJackson pic.twitter.com/RyWsNh5sUZ

— Lyca Productions (@LycaProductions) December 4, 2018

दरम्यान आमिर खानचा ‘ठग्ज ऑफ हिंदोस्तान’ हा चित्रपटदेखील चीनमध्ये येत्या डिसेंबरमध्ये प्रदर्शित होत आहे. आमिर हा चीनमधला सुपरस्टार आहे, त्यामुळे त्याचे चित्रपट हे चीनमध्ये तुफान सुपरहिट ठरतात. आता मे महिन्यात प्रदर्शित होणारा रजनीकांत यांचा 2.0 हा आमिरच्या चित्रपटांना टक्कर देणार का हे पाहण्यासारखं ठरणार आहे.