मनोरंजन चित्रपटसृष्टीवर अधिराज्य गाजवणारे सुपरस्टार रजनीकांत यांचा आज ७२वा वाढदिवस आहे. गेली अनेक दशकं दमदार अभिनयाने ते प्रेक्षकांचं मनोरंजन करत आहेत. चित्रपटातील त्यांचे डायलॉग व स्टाइलची क्रेझ आजही कायम आहे.
रजनीकांत यांचं संपूर्ण नाव शिवाजी गायकवाड असं आहे. थलावया अशी त्यांची चित्रपचसृष्टीत ओळख आहे. अफलातून अभिनयाच्या जोरावर त्यांनी मनोरंजन विश्वात दबदबा निर्माण केला. आज त्यांच्या वाढदिवशी साऊथचे थलावया रजनीकांत यांच्या संपत्तीवर एक नजर टाकूया.
मीडिया रिपोर्टनुसार, रजनीकांत यांची एकूण संपत्ती ४३० कोटींहून अधिक आहे. चेन्नईतील ‘पडोस गार्डन’ परिसरात रजनीकांत यांचा बंगला आहे. या परिसरातच राजकीय नेते, व्यावसायिक, अभिनेता यांचे वास्तव्य आहे. रजनीकांत यांच्या बंगल्याची किंमत सुमारे ३५ कोटी इतकी आहे.
हेही वाचा>>सिद्धार्थ शुक्लाच्या वाढदिवशी शहनाज गिल भावूक, पोस्ट शेअर करत म्हणाली…
रजनीकांत लक्झरी कारचे शौकीन आहेत. त्यांच्याकडे महागड्या गाड्यांचे कलेक्शन आहे. त्यांच्याकडे ‘रोल्स रॉयल फॅंटम’ व ‘रोल्स रॉयल घोस्ट’ या कार आहेत. याची किंमत अनुक्रमे १६.५ कोटी व ६ कोटी इतकी आहे. ‘बीएमडब्ल्यू एक्स ५’ ही महागडी गाडीही रजनीकांत यांच्याकडे आहे. याशिवाय २.५५ कोटींची ‘मर्सिडीज बेन्झ’ आणि ३.१० कोटींची ‘लम्बोर्गिनी’ही त्यांच्याकडे आहे.
हेही वाचा>> ‘दृश्यम २’ चित्रपटाने २०० कोटींची कमाई केल्यानंतर अजय देवगण भावूक, पोस्ट शेअर करत म्हणाला…
रजनीकांत चित्रपटांतून दरवर्षी सुमारे ५०-६० कोटींची कमाई करतात. केंद्रीय माध्यमिक व उच्च माध्यमिक (सीबीएसई) पाठपुस्तकात रजनीकांत यांचा ‘कंडक्टर से सुपरस्टार’ हा धडा अभ्यासक्रमात आहे.
