सुश्मिता सेनच्या भावाचे पत्नी चारू असोपाशी वाद संपेनात, फोटो डिलिट केले अन्…

सूत्रांनी दिलेल्या माहितीनुसार, चारू आता या नात्यातून बाहेर पडण्याबाबत गांभीर्याने विचार करत आहे. ते एकत्र आले आणि त्यांच्या वैवाहिक नात्याला आणखी एक संधी दिली. मात्र त्यांच्यातील मतभेद अद्याप कमी होत नाहीयेत. त्यामुळे आता दोघांमध्ये सर्वकाही ठीक होण्याची काहीच शक्यता नाही. मात्र याबाबत जेव्हा चारू असोपाशी प्रसारमाध्यमांशी संपर्क केला असता तिने यावर बोलण्यास नकार दिला. “मला यावर काहीच बोलायचं नाही.” असं ती म्हणाली.

आणखी वाचा- सुश्मिता सेनच्या भावाचे पत्नीवर गंभीर आरोप, समोर आलं घटस्फोटाचं धक्कादायक कारण

चारू असोपा सध्या तिच्या गावी बीकानेरला आहे. याच ठिकाणी तिने मुलगी जियानासाठी प्री-बर्थडे पार्टी ठेवली होती. याबाबत चारू म्हणाली होती, “१ नोव्हेंबरला जियाना १ वर्षाची होणार आहे. त्यासाठी आम्ही मुंबईमध्ये पार्टी ठेवणार आहोत. पण त्याआधी माझे आई-बाबा आणि भावंडांसाठी गावी एक छोटीशी पार्टी आयोजित करायची होती. आम्ही त्यासाठी बरीच शॉपिंग केली. डिनरसाठी बाहेर गेलो आणि खूप धम्माल केली. माझ्या आई-बाबांचं त्यांच्या नातीवर खूप प्रेम आहे.”

आणखी वाचा- उर्फी जावेद पुन्हा एक्स बॉयफ्रेंडच्या प्रेमात? आधी केले गंभीर आरोप अन् आता म्हणाली “आय लव्ह यू”

दरम्यान राजीव आणि चारू यांनी काही दिवसांपूर्वीच फॅमिली फोटो शेअर करत त्यांनी घटस्फोटाचा निर्णय बदलला असल्याची आणि लग्नाला दुसरी संधी देत असल्याची घोषणा केली होती. यानंतर दोघंही पुन्हा प्रेमाने राहत असलेले पाहायला मिळाले. एकत्र जीमला जात होते. फॅमिली पार्टी आणि कार्यक्रम एन्जॉय करताना दिसत होते. यावेळी त्यांनी इन्स्टाग्रामवर बरेच फोटो शेअर केले होते. पण आता हे सर्व फोटो त्यांनी डिलिट केले आहेत. एवढंच नाही तर एकमेकांना सोशल मीडियावर अनफॉलो केलं आहे.