अभिनेत्री कंगना रणौत अनेक वर्षांपासून बॉलिवूडमध्ये काम करत आहेत. मधुर भांडारकर यांच्या फॅशन चित्रपटापासून तिला खरी ओळख मिळाली. कंगना सध्या तिच्या चित्रपटांपेक्षा वादग्रस्त वक्तव्यांमुळे चर्चेत येत असते. कंगनाने आजवर अनेक अभिनेते अभिनेत्रींनबरोबर काम केले आहे. इम्रान हाश्मी पासून ते आर माधवन पर्यंत अशा अनेक अभिनेत्यांसोबत ती रुपेरी पडद्यावर झळकली आहे.तिच्याबरोबर ९ वर्षांपूर्वी काम केलेला एक अभिनेता सध्या एका व्हिडिओमधून पुन्हा चर्चेत आला आहे. त्या अभिनेत्याचे नाव म्हणजे पारस अरोरा.
एकेकाळी छोट्या पडद्यावरील बालकलाकार म्हणून स्टार दर्जा मिळालेला पारस, लेखक – दिग्दर्शक विश्वास पाटील यांच्या ‘रज्जो’ या चित्रपटात कंगना रणौतसोबत मुख्य भूमिकेत होता. २०१३ मध्ये आलेल्या या चित्रपटानंतर पारस इतर कोणत्याही चित्रपटात मोठ्या किंवा महत्त्वाच्या भूमिकेत दिसला नाही. टीव्ही जगतात त्याने काम सुरु ठेवले होते मात्र करोना काळानंतर तो फारसा टीव्हीवर देखील दिसला नाही.सध्या तो गाण्यांच्या व्हिडिओमधून जास्त दिसत आहे. येत्या काही महिन्यांत तो रणबीर कपूर-आलिया भट्ट स्टारर ‘ब्रह्मास्त्र’ या चित्रपटात दिसणार आहे.
बॉलिवूडच्या ‘या’ प्रसिद्ध अभिनेत्याशी सारा अली खानला करायचं आहे लग्न, एका मुलाखतीत केला होता खुलासा
रज्जोमध्ये पारसचे पात्र चंदू नावाच्या किशोरवयीन मुलाचे होते, जो त्याच्या कोठयावर नाचणाऱ्या मुलीच्या प्रेमात पडतो. या चित्रपटात कंगना रणौतने अशाच एका कोठ्यावर नाचणाऱ्या मुलीची भूमिका साकारली होती. पारसने छोट्या पडद्यावर ‘वीर शिवाजी’, ‘अभिमन्यू’, ‘महाभारत’ अशा ऐतिहासिक मालिकांमध्ये काम केले आहे.
पारस काही काळापासून राज बर्मन, सेबॅस्टियन बेन यांसारख्या गायकांच्या व्हिडिओमध्ये दिसून येत आहे. गेल्या सहा महिन्यांत तो डझनभर म्युझिक व्हिडिओंमध्ये दिसला आहे. या व्हिडिओंना लाखो हिट्स मिळाले आहेत.त्याचा तैनू दिल विच रखां. हा अल्बम नुकताच प्रदर्शित झाला आहे.
