अभिनेत्री राखी सावंत गेल्या कित्येक दिवसांपासून अनेक गोष्टींमुळे चर्चेत आहे. काही दिवसांपूर्वीच राखीने बॉयफ्रेंड आदिल खानबरोबर लग्न केल्याचा खुलासा केला. अनेक दिवस ड्रामा केल्यानंतर अखेर आदिलने तिच्याशी लग्न केल्याचं कबूल केलं. दुसरीकडे तिची आई रुग्णालयात उपचार घेत आहे. तिची आई ब्रेन ट्युमर या आजारामुळे त्रस्त आहे. अशातच तिचा एक व्हिडीओ व्हायरल होत आहे.
‘बिग बॉस’च्या घरातून बाहेर पडल्यावर ‘ड्रामा क्वीन’ राखी सावंत वेगवेगळ्या कारणांमुळे चर्चेत आली. सध्या रुग्णालयात दाखल असलेल्या राखीच्या आईची तब्येत प्रचंड खालावली आहे, आणि त्यासाठी राखी वेगवेगळे प्रयत्न करताना दिसत आहे. नुकतंच राखीने एका ‘NGO’ला भेट दिली आणि तिथल्या मुलांना तिने पैसे वाटप केल्याचा व्हिडिओ सोशल मीडियावर व्हायरल होताना दिसत आहे.
या व्हिडिओमध्ये ती लहान मुलांना ५०० रुपये वाटताना दिसत आहे, शिवाय स्वतःच्या आईच्या तब्येतीसाठी त्यांनी प्रार्थना करावी अशीही ती विनंती करत आहे. या लहान मुलांना भेटल्यावर राखी खूपच खुश झाली, तिच्या चेहेऱ्यावर तो आनंद दिसतच होता. नुकतंच आईला भेटल्यानंतर राखी रुग्णालयाबाहेर येत मीडियासोबत संवाद साधल्यावर तिला लोकांनी प्रचंड ट्रोल केलं. लोकांना तिचं हे वागणं हे प्रचंड नाटकी वाटत आहे.
गुरुवारी(१९ जानेवारी) रोजी राखीला शर्लिन चोप्रा प्रकरणात अटक करण्यात आली. सहा तासांच्या चौकशीनंतर पोलिसांकडून राखीची सुटका करण्यात आली. राखीच्या आईला ब्रेन ट्यूमर झालेला आहे, काही वर्षांपासून त्या आजारी आहेत, पण सध्या मात्र त्यांची प्रकृती चांगलीच खालावली असल्याचं सांगितलं जात आहे. राखी सध्या सोशल मीडियावरून आईच्या प्रकृतीसाठी प्रार्थना करण्याची विनंती करत आहे.
