राज कपूर यांच्या राम तेरी गंगा मैली चित्रपटातून सिनेसृष्टीत पाऊल ठेवणारी अभिनेत्री म्हणजे मंदाकिनी. तिच्या अभिनयापेक्षा गाजली ती दाऊद इब्राहिमसोबतच्या प्रेमप्रकरणाने, राम तेरी गंगा मैली चित्रपट यशस्वी झाला आणि तिने त्यापाठोपाठ अनेक चित्रपटात ती दिसली. तेजाब चित्रपटात ती माधुरीसोबत झळकली होती. अनेक वर्ष चित्रपटसृष्टीपासून लांब राहिलेली मंदाकिनी सध्या एका गाण्याच्या व्हिडिओमध्ये दिसत आहे.
अभिनेत्री सोनाली खरेची नवी इनिंग सुरु, लंडनमध्ये सुरू केले काम
माँ व माँ या गाण्यात ती आपल्या मुलासोबत म्हणजे रबिल ठाकूर, अभिनेत्री बबिता बॅनर्जी आणि बालकलाकार सिमरन आणि चिराग यांच्यासोबत ती काम करत आहे. आपल्या इंस्टाग्राम अकाउंटवरून या गाण्याच्या टीझरची झलक पोस्ट केली आहे ज्यात तिने असं लिहले आहे की ‘गाणे लवकरच येत आहे’. साजन अग्रवाल दिग्दर्शित ‘माँ ओ मा’ हा म्युझिक व्हिडिओ लवकरच फिल्मी क्लॅप यूट्यूब चॅनलवर प्रदर्शित होणार आहे.
मंदाकिनीचा जन्म ३० जुलै १९६३ रोजी मेरठमध्ये झाला. तिची आई काश्मिरी आणि वडील ब्रिटिश होते. १९९० साली ती दलाई लामा यांची अनुयायी बनली. सध्या ही अभिनेत्री मुंबईत योगा शिकवण्यासोबत तिबेटी हर्बल सेंटर चालवते. तिने डॉ. काग्युर टी. रिनपोचे ठाकूर यांच्याशी लग्न केले आहे.
हिंदी चित्रपट जगतात आपल्या सौंदर्यासाठी ओळखली जाणारी अभिनेत्री मंदाकिनी राम तेरी गंगा मैली या चित्रपटाने रातोरात स्टार बनली. या चित्रपटातील तिचे काम प्रेक्षकांना खूप आवडले होते. यातील तिच्या बोल्ड सीन्सची तेव्हा खूप चर्चा झाली होती.
