बॉलिवूड अभिनेत्री राणी मुखर्जी आज तिचा ४४ वा वाढदिवस साजरा करत आहे. राणीनं तिच्या बॉलिवूड करिअरमध्ये बरेच हिट चित्रपट दिले. आजच्या आघाडीच्या अभिनेत्रींनाही ती आपल्या अभिनयाच्या बाबतीत टक्कर देताना दिसते. राणी मुखर्जीचा जन्म २१ मार्च १९७८ मध्ये मुंबईत झाला होता. पण तिच्या जन्माच्या वेळी असं काही घडलं की तिच्या आईनं ‘ही माझी मुलगीच नाही’ असं डॉक्टरांना सांगितलं होतं. या घटनेचा किस्सा राणी मुखर्जीनं तिच्या एका जुन्या मुलाखतीत शेअर केला होता.
काही वर्षांपूर्वी ‘एबीपी न्यूज’ला दिलेल्या एका मुलाखतीत राणी मुखर्जीनं सांगितलं, ‘जेव्हा माझा जन्म झाला त्यावेळी मी एका पंजाबी कुंटुबाकडे सापडले होते आणि माझ्या आई- वडिलांसोबत त्यांची मुलगी होती. माझ्या आईनं जेव्हा त्या मुलीला पाहिलं तेव्हा ती डॉक्टरांना म्हणाली, ही माझी मुलगीच नाही, हिचे डोळे तपकिरी नाहीयेत. जा अगोदर माझ्या मुलीला शोधून आणा.’
आणखी वाचा- राणी- अभिषेकच्या ब्रेकअपचं कारण ठरला बिग बींसोबतचा ‘तो’ किसिंग सीन? वाचा नेमकं काय घडलं
राणी पुढे म्हणाली, ‘मी जन्माच्या वेळीच त्या पंजाबी कुटुंबाच्या मुलीसोबत बदलले गेले होते आणि हे माझ्या आईला त्याचवेळी समजलं होतं की तिच्याकडे असलेली मुलगी तिची मुलगी नाहीये. त्यामुळे तिने हॉस्पिटलमध्ये शोधाशोध करायला सुरूवात केली होती. बराच शोध घेतल्यानंतर मी त्यांना एका पंजाबी कुटुंबाकडे सापडले. त्यावरुन ते आजही मला चिडवतात. तू खरंच एका पंजाबी कुटुंबातील आहेस. पण चुकून आमच्या कुटुंबात आली आहेस असं ते सर्वजण मस्करीत म्हणतात.’
आणखी वाचा- “आम्ही तिला नेहमी…” कपड्यांमुळे ट्रोल होणाऱ्या अनन्याबद्दल वडील चंकी पांडे यांची प्रतिक्रिया चर्चेत
दरम्यान राणी मुखर्जी ही प्रसिद्ध दिग्दर्शक आणि निर्माते राम मुखर्जी आणि कृष्णा मुखर्जी यांची मुलगी आहे. तिच्या मोठ्या भावाचं नाव राजा मुखर्जी असं आहे. तसेच ती अभिनेत्री काजोल आणि दिग्दर्शक अयान मुखर्जी यांची चुलत बहीण आहे. राणी मुखर्जीनं निर्माता आदित्य चोप्राशी लग्न केलं होतं या दोघांना अदिरा नावाची एक मुलगी देखील आहे.
