रविवारी संध्याकाळच्या सुमारास अभिनेत्री दीपिका पदुकोणने ट्विटरवर तिच्या लग्नाची घोषणा केली. त्यापाठोपाठ अभिनेता रणवीर सिंगनेही लग्नाबाबत ट्विट केलं. रणवीर- दीपिकाने लग्नाची तारीख जाहीर करत चाहत्यांना आनंदाची बातमी दिली. यानंतर ट्विटरवर #RanveerSingh, #DeepikaPadukone, #DeepVeer हे हॅशटॅग जोरदार ट्रेण्ड होऊ लागले. या वर्षाच्या सुरुवातीपासून रणवीर- दीपिकाच्या लग्नाची जोरदार चर्चा होती. अखेर लग्नाची तारीख जाहीर केल्याने सोशल मीडियावर नेटकऱ्यांनी त्यांना भरभरून शुभेच्छा दिल्या. या शुभेच्छांसोबतच सोशल मीडियावर मीम्सनाही उधाण आलं आहे. लग्नात रणवीर कोणते कपडे घालणार, लग्नाची बातमी ऐकून रणबीर कपूरची काय प्रतिक्रिया असणार असे एकापेक्षा एक भन्नाट मीम्स सोशल मीडियावर व्हायरल झाले.

रणवीर सिंग त्याच्या अतरंगी फॅशनसाठी ओळखला जातो. त्यामुळे लग्नात तो कोणते कपडे परिधान करणार यावरून नेटकऱ्यांनी त्याची खिल्ली उडवली. इतकंच नव्हे तर या दीपिका आणि रणवीरने दिग्दर्शक संजय लीला भन्साळींच्या चित्रपटात अनेकदा एकत्र काम केल्याने लग्नात पंडित म्हणून भन्साळीच पाहायला मिळतील असाही विनोद व्हायरल होत आहे.

पाहा सोशल मीडियावरील व्हायरल पोस्ट-