कपिल देवच्या बायोपिकमध्ये साहिल खट्टरची वर्णी, साकारणार ‘या’ क्रिकेटपटूची भूमिका

कबीर खान दिग्दर्शित या चित्रपटामध्ये आतापर्यंत रणवीर सिंह आणि जीवा कोणती भूमिका साकारणार हे साऱ्यांनाच ठावूक होतं. त्यानंतर आता आणखी एका भूमिकेचा खुलासा झाला आहे. या चित्रपटामध्ये भारताचा माजी यष्टीरक्षक सैय्यद किरमानी याची भूमिका साहिल खट्टर साकारणार आहे.

साहिल हा युट्युबर, सूत्रसंचालक आणि अभिनेता आहे. चित्रपट व्यापार विश्लेषक तरण आदर्श यांनी ट्विट करत साहिल सैय्यद किरमानींची भूमिका करणार असल्याचं सांगितलं आहे.

दरम्यान, आता एक-एक करत चित्रपटातील भूमिकांवरील पडदे दूर होत आहेत. काही दिवसांपूर्वीच पंजाबी अभिनेता एमी विर्कही या चित्रपटामध्ये झळकणार असल्याची घोषणा निर्मात्यांनी केली होती.