रणवीरच्या करिअरमधील सर्वांत धमाकेदार गाणं, पाहा हा व्हिडिओ

एक व्हिडिओ रणवीरने ट्विटरवर पोस्ट केला आहे. ज्यामध्ये बॅकग्राऊंड डान्सर्स तयारी करताना दिसत आहेत. ‘माझ्या करिअरमधील सर्वांत अफलातून गाणं..’ असं कॅप्शन त्याने या व्हिडिओला दिलं आहे. गाण्याच्या शूटसाठी सुरू असलेली तयारी आणि सेट पाहता रोहित शेट्टी आणखी एक नवीन धमाकेदार गाणं बॉलिवूडला देणार आहे असं म्हणायला हरकत नाही.

‘देखो, देखो यहाँ क्या हो रहा है, मेरी लाइफ का सबसे बडा गाना शूट हो रहा है. देखो, इतने लोग, इतना ताम-झाम की सर चकरा जाए,’ असं या व्हिडिओत रणवीर म्हणताना दिसतोय. त्यानंतर रोहित शेट्टी येऊन त्याला मिठी मारतो. ‘तुझ्यावर खूप पैसा खर्च करत आहे मी,’ असं रोहित यात म्हणतो आणि त्याचा प्रत्यय गाण्यासाठी सुरू असलेली तयारी पाहून येतो. या गाण्याची कोरिओग्राफी गणेश आचार्य करत आहे आणि ‘आला रे आला, सिम्बा आला,’ असं म्हणताना तेसुद्धा या व्हिडिओत पाहायला मिळतात.

२०१५ मध्ये प्रदर्शित झालेल्या ‘टेम्पर’ या तेलुगू चित्रपटाचा ‘सिम्बा’ हा रिमेक आहे. यामध्ये रणवीर संग्राम भालेराव या पोलीस अधिकाऱ्याची भूमिका साकारत आहे. सध्या हैदराबादमध्ये याचं शूटिंग सुरू असून २८ डिसेंबर रोजी चित्रपट प्रदर्शित होणार आहे.