‘या’ फोटोतील दीपिकाला तुम्ही ओळखलंत का?

इतक्या सर्व मुलींमध्ये नेमकी दीपिका कोण, हे सांगण्यात अनेकांना एका झटक्यात यश मिळत आहे. तर काहींना मात्र ही ‘मस्तानी’ इतक्या सहजासहजी सापडत नाहीये. हरकत नाही, खालून तिसऱ्या रांगेमध्ये डावीकडून पहिलीच उभी असलेली मुलगी दुसरी-तिसरी कोणीही नसून सर्वांचीच आवडती दीपिका आहे. शालेय जीवनातील दीपिकाचे हे रुप पाहून झालात ना थक्क? दीपिकाचा हा फोटो सध्या आकर्षणाचा विषय ठरत आहे.

दरम्यान, या फोटोत सहजासहजी न सापडणारी दीपिका सध्या मात्र तिच्या हॉलिवूड पदार्पणामध्ये व्यस्त आहे. हॉलिवूडचा प्रसिद्ध अभिनेता विन डिझेलसोबत ती ‘xxx- द रिटर्न ऑफ झेंडर केज’ या चित्रपटातून सेरेना उनगेरची भूमिका साकारताना दिसणार आहे. तर दुसरीकडे ती दिग्दर्शक संजय लीला भन्साळी यांच्या ‘पद्मावती’ या चित्रपटातून झळकणार आहे. या चित्रपटाच्या माध्यमातून सिनेरसिकांना पुन्हा एका ऐतिहासिक काळाची सफर अनुभवण्याची संधी मिळणार आहे. यामध्ये राणी पद्मावतीची भूमिका साकारेल. तिच्यासोबत या चित्रपटात रणवीर सिंग आणि शाहिद कपूर यांच्याही मुख्य भूमिका आहेत.