‘हृतिक-कंगनाच्या वादात माझी भूमिका न्यायाधीशाची’

काही दिवसांपूर्वी रवीनाने एका इंग्रजी वृत्तपत्रासाठी ब्लॉग लिहीला होता. प्रत्येकाला असलेल्या घटनात्मक अधिकारांवर भाष्य या ब्लॉगमध्ये करण्यात आले होते. याशिवाय, कंगना-हृतिकमधी वादालाही स्पर्श करण्यात आला होता. मात्र, अनेक वेब पोर्टल्सनी रवीनाने ब्लॉगमधून कंगनाला पाठिंबा दिल्याचे वृत्त प्रकाशित केले होते. रवीनाला याबाबतीत विचारण्यात आले. त्यावेळी तिने कंगनाला पाठिंबा दिल्याचे वृत्त पूर्णपणे फेटाळून लावले. रविनाने ट्विट केले की, एका मुलीला किंवा मुलाला पाठिंबा देण्याचा हा विषय अजिबात नाही. जे कोणी माझ्या ब्लॉगवर प्रतिक्रिया व्यक्त करत आहेत. त्यांनी ब्लॉगमधील माझे मत नीट समजून घेण्याचा प्रयत्न करावा. कोण चूकीचे आणि कोण बरोबर याचा मी न्यायनिवाडा केलेला नाही. मी फक्त एखाद्या व्यक्तीला न्याय मिळविण्यासाठी असलेल्या घटनात्मक अधिकारांवर भाष्य केले आहे.