.. या मराठी सेलिब्रिटींच्या घरी ‘यंदा कर्तव्य आहे’

अभिनेत्री सागरिका घाटगे- क्रिकेटर झहिर खान

मराठी चित्रपटसृष्टी आणि क्रिकेट क्षेत्रात आता पुन्हा एकदा सनई-चौघड्यांचे सूर घुमणार आहेत. भारतीय गोलंदाज झहीर खान Zaheer Khan आणि अभिनेत्री सागरिका घाटगे Sagarika Ghatge यांचा काही दिवसांपूर्वीच साखरपुडा झाला. गेल्या काही महिन्यांपासून झहीर आणि सागरिकामध्ये प्रेमसंबंध असल्याच्या चर्चा होत्या. पण, एप्रिल महिन्यात आयपीएल सुरु होण्यापूर्वी झहीरने ट्विट करून तो सागरिकाशी लग्न करणार असल्याची माहिती दिली. बोटात साखरपुड्याची अंगठी घातलेल्या सागरिकासोबतचा फोटो शेअर करत त्याने ही आनंदाची बातमी दिली होती. या वर्षाअखेरपर्यंत हे प्रेमीयुगुल लग्न करणार असल्याचे कळते.

अभिनेता अमेय वाघ- साजिरी देशपांडे

मंगळवारी संध्याकाळी फेसबुक पोस्ट शेअर करत अमेयने त्याच्या होणाऱ्या पत्नीचा फोटो शेअर केला. अमेयने साजिरीसोबतचा एक फोटो शेअर करून आपल्या नव्या इनिंगची सुरुवात होण्यास आता केवळ १२ दिवस राहिले असल्याचे सांगितले.

अभिनेता संग्राम साळवी – अभिनेत्री खुशबू तावडे

टेलिव्हिजनवरील प्रसिद्ध मालिका ‘तारक मेहता का उल्टा चष्मा’मध्ये काम करणारी अभिनेत्री खुशबू तावडेचा काही दिवसांपूर्वीच साखरपुडा झाला. मालिकेत ‘बुलबुल’ची भूमिका साकारणाऱ्या खुशबूने ‘देवयानी’ फेम संग्राम साळवी याच्याशी साखरपुडा केलाय. आता हे लवकरच लग्न करणार असल्याचे कळते.

अभिनेता रोहन गुजर- स्नेहल देशमुख

‘होणार सून मी ह्या घरची’ या मालिकेत जान्हवीच्या भावाची भूमिका साकारणाऱ्या अभिनेता रोहन गुजरचा काही दिवसांपूर्वीच स्नेहल देशमुख हिच्याशी साखरपुडा झाला. रोहन आणि स्नेहल गेल्या अनेक वर्षांपासून एकमेकांचे चांगले मित्र आहेत. गेल्या १४ वर्षांपासूनच्या मैत्रिणीचीच त्याने आयुष्याभरासाठी जोडीदार म्हणून निवड केली.