सैफ म्हणतो, ‘मलाही आणून द्या तैमुरचा बाहुला’

केरळमधील एका दुकानामध्ये तैमुरसारखा दिसणारा बाहुला विक्रीसाठी ठेवण्यात आला असून या बाहुल्याचे फोटो सध्या चांगलेच व्हायरल होत आहेत. विशेष म्हणजे हा बाहुला पाहिल्यानंतर तो मलाही आणून द्या असं सैफने म्हटलं आहे.

‘तैमुर केवळ आमचाच नाही तर चाहत्यांचाही लाडका आहे. त्याची लोकप्रियताही वाढत आहे. खरंतर त्याला एवढ्या लहान वयात मिळत असलेली लोकप्रियता पाहून आम्हाला खरंच आनंद होतो. आता त्याच्या सारखं खेळणही बाजारात आलं आहे हे तर थक्क करणारंच आहे. पण हे खेळणं मलाही हवं आहे. तैमुरसारखा दिसणारा बाहुला मला कोणी आणून दिला तर खरंच फार आनंद होईल’, असं सैफ म्हणाला.

दरम्यान, काही दिवसापूर्वी तैमुरसारखा हुबेहूब बाहुला केरळमध्ये एका दुकानात आढळून आला आहे. या बाहुल्याचा फोटो अश्विनी यार्डी यांनी ट्विटरवर शेअर केला होता. तेव्हापासून हा फोटो मोठ्या प्रमाणावर व्हायरल झाल्याचं पाहायला मिळत आहे.