बॉलिवूड अभिनेता सैफ अली खान गेल्या अनेक दिवसांपासून त्याचा आगामी चित्रपट बंटी और बबली २च्या प्रमोशनमध्ये व्यस्त आहे. नुकत्याच दिलेल्या एका मुलाखतीत सैफने त्याच्या आणि करीनासोबत घडलेल्या एका घटने विषयी सांगितलं आहे. एकदा एक अनओळखी स्त्री त्यांच्या घरात आली होती आणि तो प्रचंड घाबरला होता, असा खुलासा सैफने केला आहे.
रानी मुखर्जीशी बोलताना सैफने हा खुलासा केला आहे. एकदा एक महिला त्याच्या घरात काही न सांगता आली असं म्हणतं सैफ म्हणाला, “जुन्या घरात असताना एका महिलेने बेल वाजलवली. त्यानंतर एका मुलाने दरवाजा उघडला आणि ती माझ्याकडे बघून म्हणाली, तर तू इथे राहतोस.”
आणखी वाचा : करिश्मा कपूरने सांगितला ‘त्या’ किंसिंग सीन शूट दरम्यानचा किस्सा
आणखी वाचा : आई बंगाली आणि वडील जर्मन मग मुस्लीम आडनाव का लावते दिया मिर्झा?
हे ऐकल्यानंतर रानीला आश्चर्य वाटले आणि ती म्हणाली ‘कोणी तुझ्या बिल्डिंगमध्ये कसं येऊ शकतं?’ त्यावर सैफ म्हणाला की “मला माहित नाही. ती खूप आत्मविश्वासाने सरळ चालत आली. तिने चांगले कपडे घातलेले होते म्हणून तिला कोणी थांबवलं नसेल. तिने दारावरची बेल वाजवली, ती आत आली. मी आणि माझी पत्नी करीना दोघेही तिच्याकडे आश्चर्याने पाहत होतो. मी तर खरोखर घाबरलो होतो आणि करीना म्हणाली, ‘तू काही बोलणार नाहीस का?’ मला काय बोलावे तेच कळत नव्हते. मी विचार करत होतो. मी या व्यक्तीला ओळखतो का? असा विचार मी करत होतो. त्यानंतर मी म्हणालो, ‘मला वाटतं तू जायला हवं. तू इथे काय करतेस? ती ठीक आहे म्हणाली आणि मग मागे वळून बाहेर गेली.”
