सलमानचा ‘भारत’ जूनमध्ये होणार प्रदर्शित, या दिवशी येणार ट्रेलर

एप्रिलच्या तिसऱ्या आठवड्यात म्हणजे २४ एप्रिलला ‘भारत’चा पहिला ट्रेलर प्रदर्शित होणार आहे. २६ एप्रिलला ‘अॅव्हेंजर एंडगेम’ चित्रपटाच्यादरम्यान प्रेक्षकांना सलमानच्या ‘भारत’चा ट्रेलर पाहता येणार आहे. ईदला ५ जून रोजी हा चित्रपट प्रदर्शित होणार आहे. कतरिना कैफ, दिशा पटानी आणि सलमान खान या तिघांची प्रमुख भूमिका असलेल्या या चित्रपटाचं दिग्दर्शन अली अब्बास जफारनं केलं आहे. २०१४ साली प्रदर्शित झालेल्या “Ode To My Father” दक्षिण कोरियन चित्रपटावर ‘भारत’ आधारलेला आहे. ‘भारत’ चित्रपटात रशियन सर्कस आणि अन्य काही साहसी दृश्य पाहायला मिळणार आहेत. प्रियांका चोप्रानं काही दिवसांपूर्वीच ‘भारत’ला तडकाफडकी सोडचिठ्ठी दिली होती. तेव्हापासून हा चित्रपट चर्चेत होता. ‘भारत’मध्ये या कलाकारांबरोबच नोरा फतेही, तब्बू, सुनील ग्रोव्हर यांसारखे कलाकारही पाहायला मिळणार आहेत.

दिल्ली, अमृतसर, पंजाब अशा विविध शहरात भारतचं चित्रीकरण पार पडलं. भारतव्यतिरिक्त सलमानचा ‘ईन्शाल्ला’ आणि ‘दबंग ३’ हे दोन चित्रपटदेखील २०१९ आणि २०२० मध्ये प्रदर्शित होणार आहेत.