सरोज खान यांना इंडस्ट्रीत काम मिळेना; अखेर सलमान धावून आला मदतीला

‘अलीकडे जेव्हा मी सलमानला भेटले तेव्हा त्याने माझ्या कामाबद्दल विचारपूस केली. सध्या इंडस्ट्रीत काहीच काम मिळत नसून नवोदित अभिनेत्रींना मी क्लासिकल डान्स शिकवत असल्याचं सांगितलं. हे ऐकताच आता तुम्ही माझ्यासोबत काम करणार आहात, असं तो म्हणाला. सलमान खान दिलेला शब्द पाळतो हे मला ठाऊक होतं,’ असं त्या म्हणाल्या.

सलमानच्या आगामी ‘दबंग ३’ या चित्रपटासाठी सरोज खान कोरिओग्राफी करणार असल्याचं म्हटलं जात आहे. सलमान आणि सरोज खान यांनी ‘बीवी हो तो ऐसी’, ‘बीवी नंबर १’, ‘अंदाज अपना अपना’ यांसारख्या अनेक चित्रपटांसाठी एकत्र काम केलं आहे. मध्यंतरी या दोघांमध्ये काही वादसुद्धा झाले होते. पण गेल्या वर्षी गणेशोत्सवादरम्यान सलमानने हा वाद मिटवला.