#MeToo : आदमी पहाडसे गिरकर खडा हो सकता है, अपनी नजरोंसे नहीं- सलीम खान

#MeToo मोहिमेबद्दल सलीम खान यांनी ट्विटरवर लिहिलं, ‘स्वत:ला वाचवण्यासाठी ते फक्त एकच प्रश्न विचारत आहेत की आरोप करायला इतका उशिर का? पण मी तर म्हणेन की कधीच न बोलण्यापेक्षा उशिरा तरी बोलणं चांगलं आहे. आता तुम्हाला परिणामांची प्रतीक्षा करण्याची गरज नाही, कारण लोकांचा खंबीर पाठिंबा तुम्हाला मिळाला आहे. लोकांची साथ मिळवण्यात तुम्ही यशस्वी ठरला आहात.’

The only defence they have is "Why so late ?” It is better late than never. You don’t have to wait for the result, you have already won great public support.

Aadmi pahad se gir kar khadda ho sakta hai…apni nazron se girkar nahin.

— Salim Khan (@luvsalimkhan) October 16, 2018

#MeToo : गैरवर्तनाच्या आरोपांनंतर विकी कौशलच्या वडिलांची जाहीर माफी

‘व्यक्ती एकवेळ पर्वतावरून खाली पडूनही उठून उभा राहू शकतो पण स्वत:च्या नजरेतून नाही,’ अशा शब्दांत सलीम खान यांनी चपराक लगावली आहे. #MeToo मोहिमेमुळे अनेक महिला आपल्यावरील अन्यायाला वाचा फोडत आहे. तनुश्री दत्ताने नाना पाटेकरांवर गैरवर्तनाचा आरोप केल्यानंतर बॉलिवूडमध्ये या मोहिमेला सुरुवात झाली. यामध्ये कलाविश्वातील दिग्गजांची नावंदेखील समोर आली आहेत. गेल्या पंधरा दिवसांत आलोक नाथ, साजिद खान, रजत कपूर, कैलाश खेर, अभिजीत भट्टाचार्य, पियूष मिश्रा, विनोद दुआ, श्याम कौशल, विकास बहल, सुभाष घई यांसारख्या कलाकारांवर लैंगिक शोषणाचे आरोप झाले आहेत.