बॉलीवूडमधली नव-अभिनेत्री आणि ‘जय हो’ची स्टारकास्ट डेझी शहा, नृत्यदिग्दर्शक गणेश आचार्य आणि अभिनेता रजनीश डुग्गल यांच्याविरोधात चक्क खुनाचा प्रयत्न केल्याप्रकरणी भोजपूरी अभिनेता सत्येंद्र सिंहने पोलीस ठाण्यात एफआयआर दाखल केली आहे.
मिळालेल्या माहितीनुसार, अभिनेत्री डेझी शहा, नृत्यदिग्दर्शक गणेश आचार्य आणि अभिनेता रजनीश डुग्गल एका ‘सोडा’ नावाच्या चित्रपटासाठी एकत्र काम करत होते. त्या दरम्यान, माझी माहिती काढून मारण्याचा कट रचल्याचा आरोप सत्येंद्र सिंहने या तिघांविरुद्ध केला आहे. यासंबंधी एफआयआर दाखल करण्यात आली असून याबद्दल रजनीश डुग्गलला समजले असता त्याने आश्चर्य व्यक्त करत, कोणत्याही सत्येंद्र नावाच्या व्यक्तीला आणि सोडा नावाची कोणताही चित्रपट आतापर्यंत केला नसल्याचे रजनीशन म्हटले आहे. तसेच एफआयआरमध्ये त्याचे नाव दाखल केले असल्याचे समजताच धक्का बसल्याचेही तो म्हणाला.
रजनीश सध्या ‘खतरों के खिलाडी’ कार्यक्रमासाठी केपटाऊनमध्ये गेला आहे. या प्रकरणासंबंधी रजनीशने आपल्या वकिलाला लक्ष घालण्यास सांगितले आहे.
