मराठी चित्रपटसृष्टीतील लोकप्रिय अभिनेत्री संस्कृती बालगुडे सोशल मीडियावर बऱ्यापैकी सक्रिय असते. त्यामुळे सतत ती तिचे फोटो किंवा व्हिडिओ चाहत्यासोबत शेअर करत असते. गेल्या काही दिवसापासून संस्कृती तिच्या इन्स्टापोस्ट आणि स्टोरीजमध्ये अभिनेता समुधे मुदगलकरचे सतत फोटो शेअर करत आहे. त्यामुळे या दोघांमध्ये नक्की काय सुरु आहे, असा प्रश्न चाहत्यांना पडला आहे.
सूत्रांच्या माहितीनुसार, संस्कृती आणि सुमेध सध्या एका प्रोजेक्टवर काम करत असून या प्रोजेक्टनिमित्ताने त्यांची चांगली मैत्री झाली आहे. विशेष म्हणजे सुमेधदेखील त्याच्या पोस्टमध्ये संस्कृतीला मेन्शन करत असतो.
संस्कृती आणि सुमेध लवकरच एका म्युझिक अल्बममध्ये झळकणार असून हा एक रोमॅण्टीक म्युझिक अल्बम असणार आहे. त्यामुळेच सध्या या दोघांची चांगली मैत्री झाली आहे.
सुमेध आणि मी नुकताच एक व्हिडिओ अल्बम शूट केला असून या अल्बममुळे आमच्यात चांगली मैत्री झाली आहे. या व्हिडिओसाठी उत्तम लोकेशनची निवड करण्यात आली असून म्युझिकदेखील श्रोत्यांच्या पसंतीत पडणार आहे, असं संस्कृतीने सांगितलं.
