सुशांत सिंह राजपूतच्या आठवणीत सारा अली खान झाली भावूक, पोस्ट शेअर करत म्हणाली…

सारा अली खानने केदारनाथ या चित्रपटाद्वारे बॉलिवूडमध्ये पदार्पण केले. यात ती अभिनेता सुशांत सिंह राजपूतसोबत झळकली होती. हा चित्रपट तीन वर्षांपूर्वी ७ डिसेंबर २०१८ रोजी प्रदर्शित झाला होता. या चित्रपटात सुशांत आणि साराची जोडी प्रेक्षकांना फार आवडली होती. आज या चित्रपटाला तीन वर्षे पूर्ण झाल्याच्या निमित्ताने साराने एक खास पोस्ट शेअर केली आहे.

आणखी वाचा

आधी झुरळ खाल्लं, आता घडणार ‘असं’ काही…; जान्हवीसमोर येतंय जयंतचं वेगळंच रुप! नेटकरी म्हणाले, “हिंदी मालिकेची कॉपी…”

Maharashtra Politics : नाराज एकनाथ शिंदे भाजपासाठी अडचणीचे?

शिरीष महाराज मोरे यांनी आत्महत्या करण्यापूर्वी लिहिल्या चार चिठ्ठ्या

धीरेंद्र शास्त्रींचं नाव ऐकताच ममता कुलकर्णीचा संताप; म्हणाली, “त्याचं जितकं वय तितकी वर्षे…”, रामदेव बाबांवरही आगपाखड

Video : शाहरुख खानचं ‘ते’ कृत्य पाहून भारती सिंगला अश्रू झाले अनावर; किस्सा सांगत म्हणाली…

Video: ‘टिप टिप बरसा पानी’ गाताना उदित नारायण यांनी महिला चाहत्यांना केलं किस, Lip Kiss चा व्हिडीओ पाहून भडकले नेटकरी

हल्ल्यानंतरचा सैफ अली खानचा मुलगा इब्राहिम अली खानबरोबरचा अनसीन फोटो आला समोर

“मी आत्मसन्मान गमावला…”, लग्नाआधीच्या रिलेशनशिपबद्दल शाहिद कपूर म्हणाला, “हृदय तुटल्याने…”

साराने शेअर केलेल्या या इन्स्टाग्राम पोस्टच्या माध्यमातून तिने सुशांतच्या आठवणी ताज्या केल्या आहे. विशेष म्हणजे ती तिच्या कारकिर्दीतील सुशांतचे योगदान अद्यापही विसरलेली नाही. सारा इन्स्टाग्रामवर केदारनाथ चित्रपटातील एक छोटीशी व्हिडीओ क्लिप शेअर केली आहे. ही व्हिडीओ क्लिप शेअर करत तिने एक भावनिक पोस्ट लिहिली आहे.

सारा म्हणाली, “३ वर्षांपूर्वी माझे सर्वात मोठे स्वप्न पूर्ण झाले. मी एक अभिनेत्री झाले आणि माझा पहिला आणि सर्वात खास चित्रपट प्रदर्शित झाला. केदारनाथ हा चित्रपट माझ्यासाठी काय आहे, हे मी कधीही शब्दात मांडू शकत नाही. पण ते ठिकाणी, तो चित्रपट, त्या आठवणी मी कधीही विसरु शकणार नाही.”

“पण असं असले तरी मला माझ्या मन्सूर (सुशांत सिंह राजपूत)ची खूप आठवण येत आहे. सुशांतचा पाठिंबा, त्याची निस्वार्थी मदत, सततचे मार्गदर्शन आणि सल्ला यामुळेच मुक्कू (साराची भूमिका) तुमच्या हृदयापर्यंत पोहोचू शकली. सुशांत तुझी नेहमी आठवण येईल,” असे सारा म्हणाली.

सारा अली खान लवकरच ‘अतरंगी रे’ या चित्रपटात झळकणार आहे. येत्या २४ डिसेंबरला हा चित्रपट प्रदर्शित होणार आहे. या चित्रपटात सारासोबत अक्षय कुमार आणि धनुष मुख्य भूमिकेत दिसणार आहेत. या चित्रपटाचे दिग्दर्शन आनंद एल राय यांनी केले आहे. सुपरस्टार धनुषचा दिग्दर्शक आनंद एल रायसोबतचा दुसरा चित्रपट आहे.