सुशील कुमार शिंदे यांच्या नातवाला डेट करत होती सारा

आपण काही वर्षांपूर्वी वीर पहाडियाला डेट करत असल्याचं फिल्म फेअरला दिलेल्या मुलाखतीत सारानं मान्य केलं. वीर ज्येष्ठ नेते सुशील कुमार शिंदे यांचा नातू आहे. २०१६ मध्ये दोघंही रिलेशनशिपमध्ये होते मात्र या दोघांनी वर्षभरानंतर आपल्या नात्याला पूर्णविराम दिला. मी फक्त एकाच व्यक्तीवर प्रेम केलं ती व्यक्ती म्हणजे वीर होय. त्यानं मला कधीही दुखावलं नाही. एका चांगल्या वळणावर आम्ही नातं संपवलं. मी आता सिंगल आहे आणि कोणालाही डेट करत नाही’ असं सारा या मुलाखतीत म्हणाली.

‘केदारनाथ’, ‘सिम्बा’ या चित्रपटातून सारा रुपेरी पडद्यावर झळकली. सध्या साराचं नाव सुशांत सिंह राजपुत याच्यासोबतही जोडलं गेलं आहे. ‘केदारनाथ’मध्ये सारानं सुशांतसोबत काम केलं होतं.