गालावर हात फिरवला, मिठी मारली अन् म्हणाली....शहनाज-सलमानचा व्हिडीओ होतोय VIRAL | shehnaaz gill showered a lot of love on salman khan eid party viral on social media

शहनाज गिल आणि सलमान खानचा ईद सेलिब्रेशनदरम्यानचा एक व्हिडीओ सध्या सोशल मीडियावर प्रचंड व्हायरल होत आहे.

shehnaaz gill salman khan video, shehnaaz gill and salman khan relationship,

अभिनेता सिद्धार्थ शुक्लाच्या निधनानंतर ‘बिग बॉस’ फेम शहनाज गिल पुरती खचली. तिची झालेली अवस्था पाहून तिचे कुटुंबिय, मित्र-परिवारालाही अश्रु अनावर झाले होते. आपल्यालाही हेवा वाटेल असंच सिद्धार्थ-शहनाजचं नातं होतं. पण घडलेल्या घटनेनंतर शहनाजवर दुःखाचा डोंगर कोसळला. आता ती यामधून हळुहळु सावरताना दिसत आहे. विविध कार्यक्रमांना हजेरी लावताना ती दिसते. तसेच कोणत्या ना कोणत्या कामामध्ये ती स्वतःला व्यस्त ठेवते. या कठीण काळामध्ये अभिनेता सलमान खानने शहनाजची समजूत काढताना दिसला. नुकतंच शहनाजने सलमानची बहिण अर्पिता खानने घरी आयोजित केलेल्या ईद पार्टीला हजेरी लावली होती.

शहनाज आणि सलमानमध्ये चांगलं बॉण्डिंग आहे हे आपण पाहिलंच आहे. म्हणूनच शहनाजने अर्पिताच्या ईद पार्टीला आवर्जून हजेरी लावली. याचदरम्यानचा तिचा सलमानबरोबरचा एक व्हिडीओ सोशल मीडियावर प्रचंड व्हायरल होत आहे. या व्हिडीओमध्ये सलमान चक्क शहनाजला गाडीपर्यंत सोडताना दिसत आहे. तर दुसऱ्या व्हिडीओमध्ये शहनाज त्याला मिठी मारते. त्याच्या गालावर प्रेमाने हात फिरवताना दिसत आहे.

View this post on Instagram

A post shared by Viral Bhayani (@viralbhayani)

आणखी वाचा – भर गर्दीत दिल्ली एअरपोर्टवर सामानासह पळताना दिसली आलिया भट्ट, नेमकं घडलं काय?

‘मला गाडीपर्यंत सोडायला ये.’ असा शहनाजने सलमानकडे हट्ट केला. मग काय सलमानेही तिचा हट्ट पुरवला. शहनाज गाडीमध्ये बसेपर्यंत सलमान तिथेच थांबला. या दोघांच्या व्हिडीओला नेटकऱ्यांची देखील चांगलीच पसंती मिळत आहे. तर अनेकांनी या व्हिडीओला चांगल्या कमेंट्स केल्या आहेत. विशेष म्हणजे शहनाज जशी पहिली होती तशीच या व्हिडीओमध्ये पाहायला मिळाली.

View this post on Instagram

A post shared by Viral Bhayani (@viralbhayani)

आणखी वाचा – डिसेंबरमध्ये सुनिल शेट्टीची लेक विवाहबंधनात अडकणार? वडिलांची जोरदार तयारी सुरु

तसेच सलमानच्या ‘कभी ईद कभी दिवाली’ चित्रपटामध्येही शहनाज झळकणार आहे. जॅकलिन फर्नांडिस. रणवीर सिंग, दीपिका पदुकोण, सिद्धार्थ मल्होत्रा, कियारा अडवाणी यांसारख्या अनेक बड्या बॉलिवूड कलाकारांनी हजेरी लावली होती. पण शहनाजच्या येण्याने या पार्टीला चार चाँद लागले एवढं नक्की.

First published on: 04-05-2022 at 10:41 IST

मराठीतील सर्व मनोरंजन बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Shehnaaz gill showered a lot of love on salman khan eid party viral on social media kmd

गालावर हात फिरवला, मिठी मारली अन् म्हणाली….शहनाज-सलमानचा व्हिडीओ होतोय VIRAL

शहनाज गिल आणि सलमान खानचा ईद सेलिब्रेशनदरम्यानचा एक व्हिडीओ सध्या सोशल मीडियावर प्रचंड व्हायरल होत आहे.