प्रेक्षकांच्या चेहऱ्यावर हसू उमटवण्यासाठी ‘श्रीयुत गंगाधर टिपरे’ यांचं पुनरागमन

एकंदरीतच हे कुटुंब आपल्या आसपासचे वाटावे इतके खरे, मनाला भावणारे. आपले विश्व विसरायला लावून आपण अगदी त्यांच्यात सामावून जातो इतके अप्रतिम कलाकृती. दिलीप प्रभावळकरांच्या अनुदिनी या संग्रहावर तयार केलेली ही मालिका अजरामर ठरली.

आणखी वाचा : ‘रामायण’ आता मराठीत; या तारखेपासून प्रेक्षकांच्या भेटीला

लॉकडाऊनमध्ये प्रेक्षकांचा मानसिक ताण कमी करण्यासाठी ही मालिका झी मराठीवर पुन्हा एकदा प्रेक्षकांच्या भेटीस येणार आहे. विनोद हे किती सहज असतात, हे या मालिकेतून समजतं आणि आता त्याच विनोदांनी प्रेक्षकांच्या चेहऱ्यावर पुन्हा एकदा हसू उमटणार आहे. ‘श्रीयुत गंगाधर टिपरे’ ही मालिका १५ जून पासून संध्याकाळी ७.३० वाजता झी मराठी वाहिनीवर प्रेक्षकांच्या भेटीस येईल.