शुबमन गिलने न्यूझीलंडविरुद्धच्या पहिल्या एकदिवसीय सामन्यात द्विशतक झळकावलं. त्याने ८७ चेंडूत आपले शतक पूर्ण केलं. त्यानंतर त्याने १४५ चेंडूत पहिले द्विशतक पूर्ण केलं. त्याचबरोबरीने वनडे फॉरमॅटमध्ये द्विशतक झळकावणारा सर्वात तरुण फलंदाज ठरला आहे. शुबमनचं सारेच जण कौतुक करत आहेत. आपल्या कामगिरीमुळे चर्चेत असणारा शुबमन त्याच्या खासगी आयुष्यामुळे कायम चर्चेत राहिला.
आणखी वाचा – ‘पठाण’साठी शाहरुख खानने घेतलं ‘इतके’ कोटी मानधन, दीपिका पदुकोण व जॉन अब्राहमला मिळाले पाचपट कमी पैसे
शुबमनच्या लव्ह लाइफबाबत आजवर अनेक चर्चा रंगल्या. अभिनेत्री सारा अली खानबरोबर त्याचं नाव जोडलं गेलं. त्याचबरोबरीने आणखी एका साराशी शुबमनचं नातं असल्याची चर्चा सुरु झाली. ती सारा म्हणजे सचिन तेंडुलकरची लेक सारा तेंडुलकर. शुबमनलाही एका मुलाखतीदरम्यान त्याच्या रिलेशनशिपबाबत विचारण्यात आलं.
२३ वर्षीय शुबमनला एका टॉकशोमध्ये “तू सारा अली खानला डेट करत आहेस का?” असं विचारण्यात आलं. यावेळी तो “बहुतेक” असं म्हणाला होता. शिवाय साराबरोबरचे त्याचे बरेच फोटोही सोशल मीडियावर व्हायरल झाले. या दोघांचे दुबईमधीलही एकत्र फोटो सगळ्यांसमोर आले.
सारा अली खानशी शुबमन गिलचं नाव जोडलं जात असताना सारा तेंडुलकरशी त्याचं असलेलं नातं चर्चेत आलं. मात्र अद्यापही सारा तेंडुलकर व शुबमनचे कोणतेच एकत्रित फोटो व्हायरल झालेले नाहीत. पण शुबमनसह सारा तेंडुलकर व सारा अली खाननेही त्यांच्या नात्याबाबत मौनव्रत कायम पाळलं आहे.
