लालबागच्या राजाच्या दर्शनाला पोहोचला सिद्धार्थ मल्होत्रा; ‘या’ कारणामुळे होतंय नेटीझन्सकडून कौतुक

सध्या देशभरात गणेशोत्सवाची धामधूम आहे. दोन वर्षांनंतर गणेशोत्सवावरील निर्बंध मागे घेतल्यामुळे भक्तांमध्ये आनंदाचे वातावरण आहे. सामान्यांपासून मोठमोठ्या सेलिब्रिटींपर्यंत सर्वजण गणरायाच्या भक्तीमध्ये लीन झाले आहेत. मुंबईमधील लालबाग-परळ परिसर गणेशभक्तांनी गजबजलेला आहे. आपल्या लाडक्या बाप्पाचे दर्शन घेण्याकरिता मुंबईकरांच्या भल्यामोठ्या रांगा लागल्या आहेत. गणेशोत्सवामध्ये ‘लालबागचा राजा’च्या दर्शनासाठी देशाच्या कानाकोपऱ्यातून भाविक मुंबईमध्ये येत असतात. राजाच्या दर्शनासाठी अनेक सेलिब्रिटींनीही हजेरी लावली आहे.