‘रंग दे बसंती’ चित्रपटातून दाक्षिणात्य अभिनेता सिद्धार्थ हा सोशल मीडियावर सक्रिय असल्याचे दिसते. सोशल मीडियावर फोटो आणि व्हिडीओ शेअर करत तो चाहत्यांच्या संपर्कात राहतो. दरम्यान, आता सिद्धार्थने बॅडमिंटनपटू सायना नेहवालवर एक आक्षेपार्ह कमेंट केली आहे. यामुळे सिद्धार्थ सध्या सोशल मीडियावर चर्चेत आला असून सोशल मीडियावर त्याला ट्रोल करण्यात आले आहे.
खरतरं सायनाने तिच्या ट्विटर अकाऊंटवरून एक पोस्ट शेअर केली आहे. ही पोस्ट शेअर करत सायनाने पंतप्रधान नरेंद्र मोदी यांच्या सुरक्षेत झालेल्या चुकी विषयी सांगितले आहे. “कोणता ही देश सुरक्षित आहे असा दाव करू शकत नाही जर त्यांच्या पंतप्रधानांच्या सुरक्षेत तडजोड होत असेल. पंतप्रधान मोदींवर अराजक तत्वांनी केलेल्या भ्याड हल्ल्याचा मी तीव्र शब्दात निषेध करते”, असे सायना म्हणाली होती. सायनाच्या या ट्वीटवर उत्तर देत सिद्धार्थने एक ट्वीट करत सायनावर निशाना साधला आहे. सिद्धार्थ म्हणाला, “S****e c**k जागतिक विजेती नशिब आपल्याकडे भारताचे संरक्षण करणारे आहेत. #Rihanna तुला लाज वाटली पाहिजे.”
सिद्धार्थचे ट्वीट पाहिल्यानंतर नेटकऱ्यांनी त्याला ट्रोल केले आहे. एक नेटकरी त्याला ट्रोल करत म्हणाला, “तिला त्रास देणे थांबव! तू चुकीची भाषा वापरत आहेस!” दुसरा नेटकरी म्हणाला, “हे खूप वाईट आहे. तुला काय वाटतं ते सगळ्यांसमोर मांड पण शब्द जरा जपून वापर”, अशा अनेक कमेंट करत नेटकऱ्यांनी त्याला ट्रोल केले आहे.
आणखी वाचा : सुकेशसोबतचा इंटिमेट फोटो व्हायरल झाल्यानंतर जॅकलीचा पोल डान्सचा व्हिडीओ व्हायरल
आणखी वाचा : Bigg Boss 15 : ‘तुला चप्पलने मारेन’, नेहा भसीनची धमकी ऐकताच बिचुकलेचा चढला पारा म्हणाला…
ट्रोल झाल्यानंतर सिद्धार्थने स्पष्टीकरण दिले आहे. कोंबडा आणि बैल, या संदर्भाने मी वक्तव्य केलंय. वेगळा अर्थ लावणे अयोग्य ठरेल. कोणाचाही अपमान करण्याचा माझा उद्देश नव्हता, याची नोंद घ्यावी, असे सिद्धार्थ म्हणाला.
