नावाचा गोंधळ! गायक झाला त्रस्त, भलीमोठी पोस्ट लिहित म्हणाला, “मी आत्तापर्यंत गप्प होतो पण आता…”

अरमान मलिक हे नाव ‘बिग बॉस ओटीटी ३’ मुळे सध्या बरेच चर्चेत आहे. बिग बॉस ओटीटीच्या तिसऱ्या पर्वात सामील झालेला हा स्पर्धक युट्यूबरदेखील आहे. त्याने दोन लग्न केल्यामुळे त्याला सोशल मीडियावर मोठ्या प्रमाणात ट्रोल केले जात आहे. मात्र या सगळ्यामुळे प्रसिद्ध गायक अरमान मलिकला त्रास सहन करावा लागत असल्याचे समोर आले आहे.

आणखी वाचा

सावत्र आईऐवजी जैविक आईचे नाव लावणे हा मुलीचा अधिकारच!

Bigg Boss Marathi 5: सर्व एलिमिनेटेड सदस्यांची घरात…

आळंदी: इंद्रायणी नदीत ‘ती’ मृत्यूची वाट पाहत बसली; पण नियतीला काही वेगळच…

इडली खाताना श्वास गुदमरून ४९ वर्षीय व्यक्तीचा मृत्यू; तुमच्यासमोर एखाद्याचा घास अडकल्यास काय करावे, तज्ज्ञांकडून जाणून घ्या..

Monkeypox : केरळमध्ये ३८ वर्षीय व्यक्तीला मंकीपॉक्सची लागण; गेल्या आठवड्यात यूएईवरून भारतात झाला होता दाखल

पुणे : प्रेमसंबंधातून महिलेवर चाकूने वार करुन खून,प्रियकराला अटक

निमित्त : पुरुष नामशेष होणार आहेत!

हार न मानण्याची प्रवृत्ती हीच प्रवीणची ताकद

गायक अरमान मलिकने आपल्या अधिकृत एक्स अकाउंटवर एक पोस्ट शेअर करत या प्रकरणाचा खुलासा केला आहे. त्याने या पोस्टमध्ये म्हटले आहे, “मी आत्तापर्यंत गप्प होतो; मात्र आता परिस्थिती हाताबाहेर चालली आहे. एक युट्यूबर आहे, ज्याचे आधी नाव हे संदीप होते मात्र नंतर त्याने त्याचे नाव बदलून अरमान मलिक असे केले. सध्या तो ‘बिग बॉस ओटीटी सीझन ३’ मध्ये स्पर्धक आहे. आमचे नाव एकच असल्याने बराच गोंधळ निर्माण झाला आहे. आमच्या दोघांना एकच व्यक्ती समजून लोक मला त्याच्याऐवजी मला टॅग करत आहेत. मला इथे एक गोष्ट स्पष्ट करायची आहे की माझा या व्यक्तीबरोबर किंवा त्याच्या जगण्याच्या पद्धतीबरोबर कोणताही संबंध नाही. या गोंधळामुळे मी आत्तापर्यंत कमावलेल्या नावाला, माझ्या इज्जतीला धोका पोहचत आहे. ज्या लोकांनी आजपर्यंत मला पाठिंबा दिला आहे, ते लोकांना हे गोंधळात टाकणारे आहे. मी कोणाला त्यांचे नाव बदलण्यापासून आणि माझे जे नाव आहे तेच स्वत: साठी घेण्यापासून रोखू शकत नाही पण मला पाठिंबा देणाऱ्या माझ्या लोकांना एवढीच विनंती आहे की या व्यक्तीच्या संबंधित कोणत्याही पोस्ट मध्ये मला टॅग करू नका. मला यातून बाहेर येण्यासाठी मदत करा. तुम्ही समजून घेतल्याबद्दल आणि तुमच्या पाठिंब्याबद्दल मनापासून धन्यवाद. अरमान मलिक.” नावामुळे गोंधळ निर्माण झाल्याने आपल्याला त्रास होत असल्याचे गायक अरमान मलिकने या पोस्टद्वारे सांगितले आहे.

दरम्यान, बिग बॉस ओटीटीच्या तिसऱ्या पर्वात असणारा अरमान मलिक उर्फ संदिप हा युट्यूबर असून अनेकदा त्याच्या दोन लग्नामुळे चर्चेत असतो. तो पायल मलिक आणि क्रितिका मलिक या दोन्ही पत्नींसोबत राहतो. बिग बॉसच्या तिसऱ्या पर्वात तो आपल्या दोन्ही पत्नींसह आला होता. त्यानंतर सोशल मीडियावर बहुपत्नीत्वाचा वाद चांगलाच रंगला होता. आता या परिस्थितीत लोक गायक अरमान मलिकला टॅग करत असल्याने त्याला त्रास सहन करावा लागला आहे.