सोनाक्षी सिन्हा झहीरला करतेय डेट?

सलमान खान निर्मित आगामी ‘नोटबुक’ या चित्रपटातून बॉलिवूडमध्ये पदार्पण करणारा अभिनेता झहीर इक्बाल आणि सोनाक्षीमध्ये नेमकं काय शिजतंय हा प्रश्न अनेकांना पडला आहे. विशेष म्हणजे या दोघांना एकत्र आणण्यात बॉलिवूडचा ‘भाईजान’ अर्थात सलमान खानचा मोठा वाटा असल्याचं समजतंय. सलमाननेच या दोघांनी भेट करून दिली होती. सल्लू मियाँच्या वाढदिवशी त्याच्या पनवेल इथल्या फार्महाऊसवर जंगी पार्टी झाली. या पार्टीला बॉलिवूडचे बरेच कलाकार उपस्थित होते. या पार्टीला सोनाक्षी आणि झहीर एकाच कारमधून आल्याचं कळतंय.

वाचा : सुशांतवर ‘केदारनाथ’ची कृपा; मिळाले १२ चित्रपटांचे ऑफर्स 

झहीरचे वडील इक्बाल रत्नासी हे सलमाने खास मित्र आहेत. सलमानच्या ‘नोटबुक’मध्ये अभिनेते मोहनिश बहल यांची मुलगी प्रनुतन हिच्यासोबत तो पदार्पण करत आहे. झहीरला काही वर्षांपूर्वी सलमाननं बहिणीच्या लग्नात पाहिलं होतं. झहिरनं लग्नात एक स्टेज परफॉर्मन्स केला होता. भाईजानला तो इतका आवडला की पुढच्या चित्रपटात झहीरलाच संधी द्यायची असं त्यानं पक्कं केलं.