९० च्या दशकात आपल्या सौंदर्य आणि मनमोहक हास्याने चाहत्यांना भूरळ घालणारी अभिनेत्री म्हणून सोनाली बेंद्रेला ओळखले जाते. सोनाली बेंद्रेला चार वर्षापूर्वी कॅन्सरचे निदान झाले होते. त्यानंतर तिने सिनेसृष्टीतून ब्रेक घेतला. कॅन्सरच्या उपचारासाठी ती न्यूयॉर्कला गेली होती. तसेच यादरम्यान तिचे केसही गळाले होते. पण आता सोनाली कॅन्सरमधून बरी झाली आहे. कॅन्सरवर मात केल्यानंतर सोनाली बेंद्रे तब्बल ४ वर्षांनी छोट्या पडद्यावर कमबॅक करत आहे. सोनाली ही लवकरच ‘डान्स इंडिया डान्स लिटिल मास्टर’च्या पाचव्या सीझनमध्ये दिसणार आहे.

या बातमीसह सर्व प्रीमियम कंटेंट वाचण्यासाठी साइन-इन करा
Skip
या बातमीसह सर्व प्रीमियम कंटेंट वाचण्यासाठी साइन-इन करा

सोनाली बेंद्रे ही ‘डान्स इंडिया डान्स लिटिल मास्टर’चे ५ वे सीझनची परिक्षक म्हणून काम करणार आहे. तिच्यासोबत नृत्य दिग्दर्शक रेमो डिसूझा आणि अभिनेत्री मौनी रॉय हे देखील परिक्षक म्हणून दिसणार आहेत. सोनालीने या कार्यक्रमाचे शूटींगही सुरु केले आहे.

आणखी वाचा

नुकतंच सोनालीने इन्स्टाग्रामवर तिचे काही फोटो शेअर केले आहेत. यात तिच्या चेहऱ्यावर स्पष्टपणे आनंद झळकताना दिसत आहे. या फोटोत सोनालीचे लांबसडक केस पाहायला मिळत आहे. त्यासोबत तिने तिच्या ड्रेसला मॅचिंग मेकअपही केला आहे. सोनालीने शेअर केलेला फोटो अनेकांचं लक्ष वेधून घेत आहे. सोनाली बेंद्रेने याला असे हटके कॅप्शन दिले आहे. ‘माझ्यासारखेच रंगीत’ असे तिने कॅप्शन देताना म्हटले आहे.

तिच्या या फोटोवर ताहिरा कश्यप आणि मनीषा कोइरालानेही कमेंट केली आहे. त्या दोघींनीही तिच्या फोटोवर हार्ट इमोजी शेअर केला आहे. ताहिरा कश्यप आणि मनीषा कोइराला या दोघींनाही करोनाची लागण झाली आहे.

अंकितावर भारी पडल्या आई आणि सासूबाई, संगीत समारंभाचा व्हिडीओ व्हायरल

दरम्यान, सोनालीने तिच्या कारकिर्दीमध्ये अनेक लोकप्रिय चित्रपटांमध्ये काम केलं आहे. यात ‘सरफरोश’, ‘दिलजले’ आणि ‘हम साथ साथ हैं’ या चित्रपटातील तिच्या अभिनयाची विशेष प्रशंसा करण्यात आली होती. सोनालीला कर्करोगासारख्या असाध्य रोगाचा सामना करावा लागला होता. मात्र यावर तिने यशस्वीरित्या मात केली.