Photo : नववर्षाच्या पूर्वसंध्येला सोनाली बेंद्रेची प्रेरणादायी पोस्ट

केस कापण्यापूर्वीचा फोटो शेअर करत सोनालीने लिहिलं, ‘केस कापण्यापूर्वीचा माझा हा फोटो. आता माझे केस हळूहळू वाढत आहेत. त्यामुळे २०१९ मध्ये मी पुन्हा अशी दिसू शकते. इथपर्यंतच्या प्रवासाने मला खूप शिकवलंय. कॅन्सरशी लढा देण्याच्या शरीराच्या इच्छाशक्तीपासून ते या काळात माझ्या बाजूने खंबीरपणे उभे राहिलेल्या लोकांपर्यंत प्रत्येक गोष्टीने मला आयुष्याच्या अस्थिरतेची शिकवण दिली आहे. गोष्टी येतात आणि जातात हे शिकवलंय (माझ्या केसांप्रमाणेच). नवीन वर्ष आनंदी आणि आरोग्यदायी जाईल अशी आशा करते.’

See more

वाचा : ‘या’ मालिकेत ज्येष्ठ अभिनेते रमेश देव यांची एण्ट्री

कर्करोगावरील उपचारासाठी गेल्या काही महिन्यांपासून सोनाली न्यूयॉर्कमध्ये आहे. सोनालीची तब्येत आता ठीक असून तिच्या प्रकृतीत सुधारणा होत आहे. न चुकता नियमितपणे सोनालीचं चेकअप सुरु असतं, असं सोनालीच्या पतीने गोल्डी बहलने सांगितलं होतं.