बॉलिवूड अभिनेत्री सोनम कपूर नुकतीच आई झाली आहे. सोनम कपूरने शनिवारी २० ऑगस्ट २०२२ रोजी गोंडस मुलाला जन्म दिला. एक पोस्ट शेअर करत सोनम कपूरने चाहत्यांना ही गुडन्यूज दिली आहे. सोनमच्या या गुडन्यूजमुळे कपूर कुटुंबीय सध्या आनंद सेलिब्रेट करत आहेत. मात्र आई झाल्यानंतर सोनम मात्र सोशल मीडियावर भलतीच ट्रोल होत आहे. गरोदरपणात एका मासिकासाठी केलेल्या फोटोशूटमुळे सोनमला ट्रोल केलं जात असून आता यावर तिने सडेतोड उत्तर दिलंय.
नुकत्याच दिलेल्या मुलाखतीत सोनम म्हणाली, “मी आता अशा गोष्टींवर प्रतिक्रिया देणे बंद केलं आहे. मला असं वाटतं की अशा गोष्टींवर मला प्रतिक्रिया देण्याची गरज नाही. हे चांगलं आहे की, वय आणि अनुभव यामुळे मी अधिक समजूतदार झाले आहे. मला माहित आहे की मी सेलिब्रेटी आहे. लग्जरी आयुष्य जगते. त्यामुळे माझ्याबाबतीत असं घडतं. खरं तर, आता माझ्याकडे याबाबत तक्रार करण्याचे कोणतंच कारण नाही. त्यामुळे माझ्या मागे कोणी माझ्याबद्दल काही नकारात्मक बोलत असेल तरीही मला त्यामुळे फरक पडत नाही.
आणखी वाचा- पूजा सावंतला करायचंय ‘या’ प्रसिद्ध बॉलिवूड अभिनेत्रीच्या बॉयफ्रेंडशी लग्न!
सोनम पुढे म्हणाली, “जर मी माझं शरीर आणि स्त्रित्वाचा आनंद साजरा करण्यासाठी काही केलं किंवा काही बोलले असेन तर यामुळे कोणाला आश्चर्य वाटण्याचं कारण नाही. कारण मी याआधी काळी वर्तुळं, पीसीओएस, वाढलेलं वजन, प्रेग्नन्सीमध्ये येणारे स्ट्रेच मार्क्स यांसारख्या मुद्द्यांवरही सार्वजनिक ठिकाणी किंवा सोशल मीडियावर बिनधास्तपणे भाष्य केलं आहे.”
दरम्यान सोनमने मुलाला जन्म दिल्यानंतर सोशल मीडियावर काही फोटो शेअर केले आहेत. सोनमने हे फोटोशूट वोग या मासिकासाठी केलं होतं. या फोटोमध्ये तिचा वेगळाच लूक पाहायला मिळत आहे. अंतरवस्त्र परिधान न करता तसेच बेबी बंप दाखवताना सोनम यामध्ये दिसत आहे. तिचा हा लूक पाहूनच नेटकऱ्यांचा राग अनावर झाला आहे.
आणखी वाचा- “अंगप्रदर्शन करण्याची गरज काय?” अंतर्वस्त्र परिधान न करता फोटोशूट केल्यामुळे सोनम कपूर ट्रोल
अंगप्रदर्शन करण्याची गरज काय?, अशाप्रकारचं फोटोशूट करून काय मिळवलं? याला फॅशन म्हणत नाहीत अशा अनेक कमेंट नेटकऱ्यांनी केल्या आहेत. सोनम आता पुन्हा एकदा ट्रोलर्सच्या निशाण्यावर आली आहे. तसेच तिच्या या हटके फोटोशूटमुळे सेलिब्रिटींनी बेबी बंप दाखवणं गरजेचं असतं का? असा प्रश्न देखील नेटकरी विचारत आहेत. मग यावर बेधडकपणे बोलणारी सोनम शांत कशी राहील. तिनेही या टीकाकारांना उत्तर देत चांगलंच खडसावलं आहे.
