बॉलिवूडची फॅशनिस्टा म्हणून अभिनेत्री सोनम कपूर ओळखली जाते. सोनम ही नेहमीच सोशल मीडियावर सक्रीय असते. सोनमने नुकतंच तिच्या लंडनच्या घराचे अनेक फोटो इन्स्टाग्रामवर शेअर केले आहेत. तिच्या या अलिशान घराचे फोटो पाहून अनेकजण त्याच्या प्रेमात पडले आहेत.
सोनम कपूरने Architectural Digest या मासिकासाठी घराचे फोटोशूट केले आहे. यात सोनमच्या घरातील फर्निचर, भिंतीची रंगसंगती, कॉफी टेबल यासह विविध वस्तू पाहायला मिळत आहे. सोनमने शेअर केलेल्या एका फोटोत ती लाल रंगाच्या सोफ्यावर आराम करताना दिसत आहे. तर दुसऱ्या एका फोटो ती डायनिंग टेबलच्या बाजूला उभी असल्याचे दिसत आहे.
View this post on Instagram
सोनमने घरातील फोटो शेअर करतेवेळी मोठे कॅप्शन दिले आहे. यात तिने तिच्या घराबद्दल अनेक गोष्टींबद्दलची माहिती दिली आहे. सोनमच्या घरात ज्वेल टोन डेकोरेशन केलेले दिसते. सोनमच्या घरात गोल्डन कॉफी टेबल, हत्तीची सिल्वर मूर्ती पाहायला मिळत आहे. तिने अनेक खोलीत भिंतीना निळा आणि हिरवा रंग दिला आहे.
सोनमने बेडरुमपासून बाथरुमपर्यंत घराचा प्रत्येक कोपरा हा खूप सुंदररित्या सजवला आहे. “मी जेव्हा पहिल्यांदा या घरात आली, तेव्हा मला मी माझ्याच घरात असल्यासारखे वाटले. हे घर फार मोठे नसले तरी हे फार सुंदररित्या सजवले आहे.”, असे सोनम या घराबद्दल म्हणाली होती.
सोनमच्या या घराचे इंटेरिअर आर्किटेक्चर रुशद श्रॉप याने केले आहे. विशेष म्हणजे सोनमनेही त्याला घराच्या इंटेरिअरदरम्यान मदत केली आहे.
