अभिनेत्री सोनम कपूर ही बॉलिवूडमधल्या नावाजलेल्या कपूर घराण्याची एक वारसदार. तिचा जन्म ९ जून १९८५ मध्ये मुंबईमध्ये झाला होता. सोनम बॉलिवूड स्टार अनिल कपूर आणि सुनीता कपूर यांची मुलगी आहे. तीन भावांडांमध्ये सोनम सगळ्यात मोठी बहिण आहे. तिच्याशिवाय हर्षवर्धन कपूर आणि रिया कपूर ही भावंडही आहेत. हर्षवर्धनने काही महिन्यांपूर्वीच दिग्दर्शक राकेश ओमप्रकाश मेहरा यांच्या ‘मिर्झिया’ या सिनेमातून बॉलिवूडमध्ये पदार्पण केले. सोनम गेली अनेक वर्ष सिनेसृष्टीत सक्रिय आहे. आतापर्यंत तिने अनेक हिट सिनेमेही दिले आहेत. अभिनेत्री म्हणून सिनेसृष्टीत आलेल्या सोनमला मात्र दिग्दर्शक बनायचे होते. अभिनेत्री होण्याच्याआधी ती स्वतः सह- दिग्दर्शक म्हणूनही काम करत होती. २००५ पर्यंत सह-दिग्दर्शक म्हणून काम केल्यानंतर २००७ मध्ये अभिनेता रणबीर कपूरसोबत तिने सावरिया या सिनेमातून सिनेसृष्टीत पदार्पण केले.
हजारपेक्षा जास्त प्रीमियम लेखांचा आस्वाद घ्या ई-पेपर अर्काइव्हचा पूर्ण अॅक्सेस कार्यक्रमांमध्ये निवडक सदस्यांना सहभागी होण्याची संधी ई-पेपर डाउनलोड करण्याची सुविधा
